Populiarios Biblijos eilutės iš Johani 21

Dalintis

Ou a manine ku dya, Yesu wa amberire Simoni Peturu ci: “Simoni mwana Johani, ene o mukwa ku ni shima kupita eyi nji?” Wa tawire ci: “Ii, Fumu, o na dimuka ci no mukwa ku ku shima.” Yesu wa mu amberire ci: “O korere manguana ange.” Yesu wa hukerire ku mwipura ci: “Simoni mwana Johani, ene o mukwa ku ni shima?” Peturu wa tawire ci: “Ii, Fumu, o na dimuka ci no mukwa ku ku shima.” Yesu wa mu amberire ci: “O dithse mangu ange.” Yesu wa mu amberire ro muthsihatu ci: “Simoni mwana Johani, ene o mukwa ku ni shima?” Peturu wa ciyuvire omango ku mucima, inene Yesu wa mwipurire ethzo ngudi ro muthsihatu. Wa mu tawire ci: “Fumu, o na dimuka enu yoihe, o na dimuka ci no mukwa ku ku shima.” Yesu wa mu amberire ci: “O korere mangu ange.

“Naa ku tongwera yoshemwa ci: o ku di oshumba, no civatekanga othsinda no ku thza kokuhe oku wa fotire. Uno honi ou wa ku kurupara kenge wa ku vapura moko oe anuawo no ku ku vateka ku ku twara oku o na kana ku fota ku thza.”

Wa i amberire ci: “Mu kuhere dituwa ku rudyo ro wato, kenge mwipaa!” Ngou ya kuherire dituwa, unone ka ya twethsire ku di koka mukaci ko thsi ongi.

Simoni Peturu wa wa amberire ci: “Naa thza mu kuyamba.” A mu amberire ci: “Natwe twaa thza noe.” Ngou a thzire no ku ka yomama mu wato, unone uya othsiku kwithsa ethsi a wanine.