Populiarios Biblijos eilutės iš AkwaGalata 5

Dalintis

Uno honi thsima thso Mupepo po: thsishimo, thsinyanyu, thsiyaro, kukwatamucima, thsihemo, owa, orurami, kuwamucima, kucinyunga. Kwithsa murao ou u na kanithsa eyo.

Mweyo, naa amba ci, mu thsie Mupepo u endithse myoyo thzenu. Apo honi ka mu tendanga ayo ecikumbwethza yerama.

Ngeci twaa yoya ko Mupepo, tu twarererenu ku enda ko Mupepo.

Awa a di kwa Krisitu Yesu nepaa ecikumbwethza nefota yerama.

Ekwama yerama i na dimukiwa: ruthziho, yodithziro, ongurunde, ku rombera ekupuro, orothzi, ethzimbo, dikanyi, mbamba, oanthzi nene, oñondi, mikwangarakanyi, kucitepatepa, thsipururu, otakwa, mashambirera o kaye, nevi imweya yo ku cipitura eci eyi. Naa mi nomenithsa eci diya na ni mi nomenithsa pa kutanga ci yomuhe oyu na yoyo mwoyo o kengeyo ka a ku tambura Kutumina kwa Nyambi.

Eciko amwe, andengenu, shime mwethsiwire ci mwikare o kurukuruka. Uno honi mwa cikwathsithsa oko kurukuruka kwenu kwingena mwicikumbwethza yerama, unone mu cikwamene oandu mu thsishimo.

Inene ecikumbwethza yerama yaa rwithsa yo Mupepo, karo yo Mupepo yaa rwithsa yerama. Eyo idi yaa cirwithsa ci mu kwange ku tenda eyi mu na foto ku tenda.

Inene murao ouhe u na cipundeka mu thsiraerera thsofoci thso ku amba ci: “O shime muenthzoe eci edi wa cishima othsinda.”

Twa cinuneka, nji ku cianthzipithsa mu kaci ketu, nji ku citendera thsipururu.

Krisitu na a tu rukurura ci twikare o kurukuruka shemwa. Mweyo, mu tanare karo mwa tawa ci mu hukere kwangiwa kupika o murao karo.