Populiarios Biblijos eilutės iš 1 AkwaKorinte 12

Dalintis

Ku munu no munu kwaa hokoka thsipa thso Mupepo ku kwathsa amweya.

Erama ya Krisitu po yamwe, munu no munu ku kwenu thsipo thsayo.

Ngeci thsipo thsofoci thsaa shupeka, epo yoihe kenge i shupeka nathso. Karo ngeci thsipo thsimweya thsaa remekiwa, epo yoihe yaa nyanyuka nathso.

Inene ko Mupepo ofoci yumweya aa piwa thsipa thso ku amba konyanyami. Yumweya karo aa piwa thsipa thso ku amba kodimukero. Kou Mupepo ofoci yumweya aa piwa thsitawo, yumweya aa piwa epa yo ku porithsa akwakukora. Kou Mupepo yumweya aa piwa okoro o ku tenda ekomokithsa, oyu yumweya aa piwa thsipa thsokethzi. Yumweya karo aa piwa thsipa thso ku fotithsithsa nawa mipepo ku mona ci thzaa tunda kwa Nyambi nji thzaa tunda kwako. Yumweya aa piwa thsipa thso ku amba madimi o mishovoshovo, yumweya thsipa thso ku tongonona eyi i na ambiwa.

Eyi yoihe yaa tunda ku Mupepo ofoci. Aa pa munu no munu kokuthza komu a na shimena aye Mupepo Oukenu.

Mweyo, eyo yaa monithsa ci kwithsa kucitepatepa mwirama, uno honi thsipo no thsipo thsaa kwathsa muenthzathso.

Epa yo Mupepo ya ku cithsiathsia, unone yoihe yaa tunderera ku Mupepo ofoci. Ku di ekwama yo mishovoshovo, unone Fumu yofoci. Nyambi aa kwama ko makuñwa o ku cithsiathsia, unone Nyambi yofoci oyu i kwama yoihe kwanu wahe.

Mweyo, mu kereke Nyambi na a paka mu ndau thzo kutanga tunganda, thzo muthsidi akwakukethza, thzo muthsihatu arongithsi. Mbeci honi ku keye akwa ku kwama ekomokithsa, sho ku keya awa di nepa yo kuporithsa, sho ku keyako akwa kukwathsa amweya, sho ku keya aendithsi nakwa ku amba madimi o mishovoshovo.

Erama po kadi cingwa thsipo thsofoci, unone i di nepo yoingi.

Dyombo, mane epo eyi i na monahara ku faratera perama yodiyo i na fotahara nene kwirama.

Ou nga yekarire ci erama yoihe nga dithziho pohuma ne, nga ngepi edi tu na yuvanga? Inji nga ditwi pohuma ne ngepi nga tu na yuvanga munuko? Uno honi eci edi i di, Nyambi shime a pakire epo yoingi perama, thsirama no thsirama kokuthza komu a shimenine. Nga thsipo thsofoci pohuma po, nga ka i di erama.