Populiarios Biblijos eilutės iš Make 9

Dalintis

Dopa leamopa Jisasame baa lamaiyoo, “Embame kapa pao Gote tungi pyate-tamo doko, nambame nyakamba nisotoo. Gote tungi pingi endakali dokome kalai dupa pitaka kapa pao pingina” lea.

Dopa lalu piamopa, wane dokonya takange dokome puu lao ee lao, “Kamongo, nambame Gote tungi pilyona, nambanya Gote tungi napingi mana doko yakinatoo nisepe” lea.

Dopa peteamopa, Jisasapi, baanya disaipolopi, dupa andaka peami. Dokopa baanya disaipolo dupame elyakalao baa tipa pyoo, “Aipuma naimame imambu koo doko kapa pao watao pyala naeyalamape?” leami. Dopa leaminopa baame dokaita lamaiyoo, “Loma soo nee nanao katenge mana dokonya-kaita iki imambu koo dopale dupa watao pingina” lea.

Sole doko epe. Dopaka doko, sole dokonya tende patamo doko, nyakamame aipa petala dee tende pisetami? Nyakama sole katatae joo katao, nyakama-lapo mona setao kalyepape” lea.

“Endakali mendeme nambanya kenge dokonya wane koo dapale mende auu kaeyao lanyilya dokome, namba lanyilyamosaka pingi. Endakali mendeme namba auu kaeyao lanyilya dokome namba iki lanyala naenge. Namba puu lea Akali doko lanyilyamosaka pingina” lea.

Nyakama Kraisa tata-lamona latala, endakali mendeme nambanya kengenya kapo mendenya endaki kamuu nyakama dita dokonya yole doko alu napyoo, sulu setana lao nambame nyakama kiningi langilyona” lea.

“Namba tungi pingima wane koo dupanya mende endakali mendeme koo pina lao mapusetamo doko, wita dii indyepenge kana yale mende baanya mangenya kende katatala, solowata lumu mendasa soo pyandamili doko yaka jipyali.

Embanya lenge mendeme emba koo pyaale lao mapusia-kandeno doko, lukunya nepape. Emba lenge mendai iki tao, Gotenya kingdom dokonya kolandateno doko auu pita. Emba lenge lapota tao, itate tao katenge, ele panda koo dokonya soo pyandatamo doko auu napita.