Populiarios Biblijos eilutės iš Luku 6

Dalintis

Nyakamanya oapi dupa endakali dupa maiyepape. Dopa pitaminopa, Goteme makande mendai dokomeaka nyakama dita. Baame eteteaka longo lyanda-lyanda lao tumbasetamopa, nyakama-kisa eteteaka tumbatala kai lao patana” lea.

Dopaleaka joo, endakali epe mendeme baanya monanya mana epe palelya dokoaka miningi. Endakali koo mendeme baanya monanya mana koo palelya dokoaka miningi. Endakalinya monanya paliu tumbilya dokoaka kambunya pyakalyingina” lea.

Nyakamanya yandapipi dupa auu kaeyao nisalapape. Dupame dopale mende tee lataminopa nyakamame maitala, yanu pyekena laa naeyalapape. Gote Etete Ketae Katenge dokome endakali koo pingipi, yaka pilyino lao mambo napingipi, dupa nisoo katenge. Nyakamame dopaka pitaminopa, Goteme nyakama baanya ikiningina latala, yole andake mende dita.

Nyakamanya Takange dokome endakali dupa kondo kaengena, nyakamame endakali dupa kondoaka kaeyao kalyepape” lea.

“Nyakamame endakali dupa yapala naeyalapape. Dokopa Goteme nyakama yapala naeyataka. Nyakamame endakali mende-kisa tenge setapala baa koeyasepengena laa naeyalapape. Dopa pitaminopa, Goteme nyakama-kisa tenge setapala nyakama koeyasepengena laa naeyataka. Endakali mendapuame nyakama koo pingitami dupa kame sakamaiyepape. Dopa pitaminopa, Goteme nyakamanya koo pitami dupa kameaka sakata.

“Nyakama nambanya pii silyamino dupa dapa langilyo: Nyakamanya yandapipi dupa auu kaeyalapape. Nyakama imbu kaeyatami endakali dupa auu pisalapape. Nyakama Goteme koeyasina latami endakali dupa pii epe lamaiyepape. Nyakama pii koo latami endakali dupanya loma sakamaiyepape.

Endakali waka dupame nyakamanya pyakamili lao masetami dopaka pyoo, nyakamame endakali waka dupanya pyakamaiyepape.

Endakali mendeme embanya wakena yangitena kingi kapeme pia-kandeno doko, yangitena apata pina maipi. Endakali mendeme embanya yonge pee kisa pingi doko nyia-kandeno doko, embanya yonge pee isa pingi doko apata nyina kaeyape. Endakali mendeme emba-kisa dopale mende tee latamopa, embame maipi. Endakali mendeme embanya oapi mende nyia-kandeno doko, embame peekena laa naeyape.

“Ita epe dupame dii koo namandenge. Ita koo dupame dii epe namandengeaka.

Ita mendenya dii mandelya dupa kandatala, ita doko dopale-lamo lao masingi. Ikililyambu kende dupanya piki dii lyilyamopa, endakali mendeme lyao nanyingi. Lyiki kende dupanya getepe dii lyilyamopa, lyao nanyingiaka.