Populiarios Biblijos eilutės iš Maake 9

Dalintis

Yezu ma ta‑o o we, “Nmo tage n we, amo ná wó wane. Wolo maama nam ná jege wo-dedoa de amo, kolokolo tera Wɛ na bá wane o ke o pa konto tu.”

Bu wom kwo laam ma laare o we, “Amo seene a jege wo-dedoa de nmo. Nam woli-ne se a taa fɔge a jega.”

Yezu ma jwoori o vo sɔŋɔ. O na zo to, o kwaga tɔgena bam ma vo o tei ba yerane ye ba bwei‑o ba we, “Bɛŋwaane mo debam ware dé zeili chichira kam?” O ma leiri-ba o we, “Chichira kanto dwoŋi zeilim chamma. Ko ná dae we á seene á yia á lwoori Wɛ, ko ya bá wane.”

Yɛ de lamma ye de wae de kwɛ wodiu. Yɛ ni nam ná ti, n daa‑n bá‑n wane n pa de jwoori de ja ni. Pa-na á wo taa ywomma da-ŋwaane, ne yɛ na pae wodiu ywomma tei to.”

“Wolo maama na wó zuli bu-balwa banto dwoŋi dedoa lanyerane amo yere ŋwaane to zuli amo mo. Wolo nam ná zuli amo, ko dae amo yerane mo o ke konto, se ko ye o zuli Baŋa Wɛ wolo na toŋe-ne to de mo.”

A tɛ abam chega ŋwaane to, nɔɔno wolo ná nɛ abam, ye o ná dɛ amo yere ŋwaane o pa abam na se á nyɔ, á na ye amo Yezu Krista nyem to ŋwaane, konto tu wó tiini o na nyɔɔre Wɛ tei ne mo.

Ko ná ye balo na ke ba wo-dedoa de amo, ye ba ná maŋe ba muri ne bu-balwa tei, nɔɔno wolo ná pɛ ba dedoa tusi Wɛ chwoŋa wone, konto tu tiini o chɔge mo dedɛ. Ba ná jaane nɔɔno wom konto ba daare ba lei kandwɛ-kamunu o ba ne, ye ba ná de‑o naneo kom wone se o te, konto gare waarem delo kotu na jege se o na Wɛ tei ne to.

Nmo yi nam ná pae n tusa, se n guri-de n yage. Nmo ná ye yi-doa tu ye n vo n woli Wɛ paare dem wone, konto gare nmo ta ná jege yia yalei ye ba laam de‑m ba yage te-seŋa ne.