Populiarios Biblijos eilutės iš Maake 14

Dalintis

O ma lwoori Wɛ o we, “Amo Kwo, Baba, nmo wae woŋo maama n ke. Nam pa cham delo na lage de ba amo baŋa ne to kɛ de daare-ne. Nam ke kolo na tɔge nmo boboŋa to, ye ko dae amo boboŋa na lage kolo to.”

Fɔge-na á che á tete se á ta‑á lwoori Wɛ, se á yé na cham delo na wó soge á boboŋa to. Á boboŋa lage se ya sɛ Wɛ ye á yera laam bwona.”

A tɛ abam chega ŋwaane to, ba na wó tɔɔle amo kwor-ywoŋa kam logo baŋa jei selo maama ne to, nɔɔna wó ta kaane wom konto taane se ba taa guli o gula.”

O ma ta de-ba o we, “Amo wo mo tiini ko chɔge se ko yi a toone. Á nam zege ywo á ta‑á nia.”

Ba na wora ba di maŋa kalo to Yezu ma kwei bworobworo ye o ke Wɛ lei ko ŋwaane. O ma daare o fɔ-ko o pa o kwaga tɔgena bam ye o we, “Jwoŋi-na, se konto ye a yera yam mo.”

O daa ma kwei zoŋa de ka wo sa-soŋo, ye o ke Wɛ lei ko ŋwaane. O ma kwei o pa-ba, ye ba maama nyɔ. O maa we, “Banto mo ye a jana balo na bere we Wɛ ni-gwonim dem jege bu, ye ba jege se ba pwori se ko jwoŋi nɔɔna dedɛ ŋwea.

Yezu ma ta de-ba o we, “Abam maama wó jwoori amo kwaga ne, ne Wɛ tɔnɔ kom na maŋe ko bere tei we: ‘Amo Wɛ wó chɔge nayero wom, pa se o pei sem maama jage.’

Zaŋe-na se dé vo. Nɔɔno wolo na lage o yeigi-ne o pa to maa beena.”

Yezu ma leiri‑o o we, “A tɛ nmo chega ŋwaane to, zem tete dento ye chebɛɔ ta ná wo keeri kuni belei, nmo wó fo kuni betɔ we n yeiri amo.”