Populiarios Biblijos eilutės iš Mika 4

Dalintis

Dwi-gɛ tiina boŋe se ba taa tɔge ba tete wa yam chwei mo. Debam dwi dem nam wó taa tɔge dé Tu BAŋA Wɛ wom se ko taa vei wuu.

Logo baŋa dwi tiina bam konto maa wó ba da ye ba ta ba bere daane we, “Pa-na dé vo dé di BAŋA Wɛ peo kom yuu se dé zuli Jakob Wɛ wom o diga kam ne. Wonto wó bere debam o chwei sem, se debam de wane dé taa tɔge-se.” Kokuri to, da yam konto ne Wɛ bera yam wó zege Zion ne mo ya jage jei maama ne. BAŋA Wɛ kwora kam maa wó nwoŋi Jerusalem ne ka yi nɔɔna maama.

Maŋa wó ba ye BAŋA Wɛ diga kam na zege peo kolo yuu ne to na yere ko dwoni logo baŋa jei maama. Ko wó taa zege wɛɛne vili-vili se ko dwoni peero tem maama. Dwi dedɛ tiina wó taa nwoŋi ba teene dem ne ba twoŋi daane taa ba yɔɔre da.

Dwi tiina balo na zoore teene delo maama wone to ná jege daane, Wɛ wó fɔge-ba o ke daane ye o lwɛ ba jara yam, de ba ná maŋe ba jege dam tei de. Ba laam wó kwei ba jara-keim se-zɔɔro tem ba ma lu vaane, se ba chichwoa yam de pipiri ya ji lare ya pa-ba. Teo daa bá kwaare jara de ko dwoŋi. Nɔɔna de daa bá zamese jara keim.