Populiarios Biblijos eilutės iš Malaki 3

Dalintis

Abam ná laga, faŋe-na amo á nii. Ja-na woŋo maama fuga wone popɔra dedoa kam na ye amo nyem to á ja á ba á tiŋi amo sɔŋɔ kom ne. Wodiu ná su amo sɔŋɔ kom wone, amo laam wó puri wɛyuu kom a jeeri abam se á neene dedaane Wɛ zaane amo na wó ke a yage á yuu ne to. Amo zaane dem wó taa tiini de daga de dwoi abam jaanem. Amo Paŋwa Tu BAŋA Wɛ na tage tei to mo konto.

Konto kwaga ne de, amo wó che se kayere dedaane wo-korro dwi maama yé daane á wodiiru tem na wo á kare sem ne to. Á teeni dem maa wó taa leiri bia lanyerane. Konto laam maa wó pa logo baŋa teene dem nɔɔna bam maama ta we, abam jege yu-ywoŋo dedɛ. Kolo ŋwaane to, abam tega kam wó taa lamma ka pae nɔɔna se ba taa zoore da.” Paŋwa Tu BAŋA Wɛ na tage tei to mo tento

Paŋwa Tu BAŋA Wɛ laam maa we: “Dɛ dem a na lage a zaŋe se a toŋe to, banto wó taa ye amo tete nyem amo yi na su-ba to mo. Amo wó duri ba yibwona nenɛɛne kwo na duri o bu wolo na toŋe o pa‑o to yibwona tei to. Konto baŋa ne mo abam wó lɔre amo na ke tei de nɔn-laaro dedaane nɔn-balwaaro to. Konto mo wó bere we balo na toŋe ba pa amo de balo na ba toŋe ba pa amo to dae bedwe.”

Paŋwa Tu BAŋA Wɛ ni dem mo tento: “Nii mo! Amo lage a toŋe a tontoŋeno mo se o da amo yiga o vo o kwɛ chwoŋa kalo amo na wó tɔge da to. Konto ná kea, á Teiru wom á na beeri o jei to mo wó pɔpɔ o ba o zo o diga kam wone. Amo tontoŋeno wolo á na jei á cheigi to wó ba o ta ni delo a na gwoni de abam to taane o bere abam.”