Populiarios Biblijos eilutės iš Danyeli 12

Dalintis

Nɔɔna balo na fɔge ba jege Wɛ swa yam to wó taa nye de pwooni mo ne wɛyuu pwooni na ye tei to. Balo na woli nɔɔna se ba taa tɔge chega chwoŋa to maa wó taa nyeena ne wɛyuu pwooni na ye tei to taa wuu.

Nɔɔna balo na tege ba tigi tega kuri ne to dedɛ wó jwoori ba bi. Ba badwonna wó bi ba na ŋwea kalo na ba jege kweelim to, ye badaara de bi ba na chaveera de yaalem se ko taa vei wuu.

“Maŋa kam konto ná yia, malese sem yiga tu Mikayeli wó zaŋe o nwoŋi. Wonto mo ye wolo na nii nmo dwi tiina bam baŋa ne to. Lɛɛro nam mo wó tiini te taa wora maŋa kam konto ne. Ko na zege á teo kom boboa maŋa ne se ko taa via, nɔɔna ta wo nɛ lɛɛro tento dwoŋi. De ko de, nmo nɔɔna balo maama yera na popone ya tiŋi tɔnɔ kom wone to wó na verem.

Cham maŋa kam wó pa se nɔɔna dedɛ fɔge ba kwɛ mo se ba taa lana jase. Puseŋ-nyena maa wó taa vei yiga ba ke ba kikia, ye ba bá ni wonnu tento kuri. Balo na jege Wɛ swa yam to yerane mo wó ni te kuri.