Populiarios Biblijos eilutės iš ရ︀ေႃမ︀ 4

Dalintis

ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛဝႃႈꩫ︀ႆ︀ႇ တ︀ီမ︀ဝ်ပ︀ီꩫ︀်ႈလ︀ႃႊꩫ︀က︀ေႃႇ ꩵ︀ႈဢ︀ꩡ︀င︀်ပ︀ိူင︀်ႈလ︀ူင︀်။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ႂ်ꩭႅင︀်းꩭႂ်ႛမ︀ႃးဢ︀ူ။ င︀ႆ︀းꩬ︀ီမ︀ꩫ︀်းယ︀ႃႇ လ︀ွင︀်ႈဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ပ︀ီꩫ︀်ႈပ︀ေႇမ︀ႆ︀ႛꩫ︀ႆ︀ၢႈꩬ︀င︀် ယ︀ူဝ်းယ︀ွင︀်ႛꩬ︀ီ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀က︀ꩫ︀်ႈ ပ︀ီꩫ︀်ႈပ︀ေႇတ︀ေႇတ︀ေႇဢ︀ူꩫ︀ꩫ︀ႆ︀ႇက︀ေႃႇ မ︀ꩫ︀်းဢ︀က︀မ︀်ထက︀်ꩰမ︀ႃးဢ︀ူ။

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ႃပ︀ြႃꩭၢမ︀်မ︀ႆ︀ႛ “မ︀ႂ်းမ︀ႆ︀ႛ က︀ဝ်ႈတ︀ီဢ︀ဝ်ႈပ︀ီꩫ︀်ႈ ပ︀ူပ︀ူဝ် ၸ︀ꩫ︀်းက︀ူꩫ︀်းꩫ︀မ︀်ꩰလ︀ၢႆ︀လ︀ၢႆ︀ꩭႂ်ႛꩫ︀မ︀်” ꩫ︀ꩬ︀ီ က︀တ︀ိꩭႂ်ႛဝႆ︀ႇဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ ၸ︀ူႛတ︀ႆ︀ၢႈမ︀ႆ︀ႛဢ︀ဝ်ႈꩫ︀ိပ︀်ꩭႂ်ႛ၊ ဢ︀ꩫ︀်ႈက︀ꩬ︀င︀်က︀ေႃႇမ︀ဝ်ယ︀င︀်းမ︀ႆ︀ႛ ၸ︀ၢꩫ︀်ꩬ︀ၢင︀်းဢ︀ဝ်ႈယ︀င︀်းꩭႂ်ႛꩫ︀ႆ︀ႇယ︀ႃႇ က︀ွပ︀်ႉပ︀ိူဝ်ႈမ︀ꩫ︀်းꩡ︀ဝ်ႛမ︀ႆ︀ႛ ဢ︀ႃပ︀ြႃꩭၢမ︀်ယ︀ုမ︀်ယ︀မ︀်ႈꩫ︀ႆ︀ႇꩬ︀ီ ꩫ︀င︀်မ︀ꩫ︀်းꩡ︀ဝ်ႛက︀တ︀ိꩭႂ်ႛဝႆ︀ႇꩫ︀က︀ꩫ︀်ႈ ဢ︀ဝ်ႈပ︀ီꩫ︀်ႈꩭႂ်ႛမ︀ႃးယ︀ဝ်ႇ။

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩡ︀ႃႇꩭၢင︀်းဢ︀ပ︀ႅတ︀်ႉꩭဝ်း ꩭႂ်ႛၵ︀ၢမ︀်တ︀ႆ︀ၢႈယ︀ဝ်ႇက︀ီး ꩭႂ်ႛပ︀ူဝ်းက︀ူꩫ︀်းꩭဝ်းမ︀ႆ︀ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႛꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛမ︀ႃးယ︀ဝ်ႇ။

မ︀ိူဝ်ႈꩫ︀င︀်တ︀ီမ︀ဝ်ပ︀ီꩫ︀်ႈꩫ︀ႆ︀ႛꩫ︀ႆ︀ၢႈက︀ေႃႇ ဢ︀ႃပ︀ြႃꩭၢမ︀်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ တ︀ႂ်းထႃႛမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ ꩫ︀င︀်ဢ︀ꩫ︀်ႈ “မ︀ႂ်းမ︀ႆ︀ႛလ︀ုက︀်ႉလ︀ၢꩫ︀်ꩡ︀ိူဝ်ႇၵ︀ိူဝ်းတ︀ီဢ︀ဝ်ႈꩫ︀မ︀်လ︀ႆ︀ၢꩭႂ်ႛꩫ︀မ︀်” ꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛဝႃႈမ︀ႃးꩫ︀က︀ꩫ︀်ႈ မ︀ꩫ︀်းမ︀ႆ︀ႛလ︀ုက︀်ႉလ︀ၢꩫ︀်ꩡ︀ိူဝ်ႇၵ︀ိူဝ်းဢ︀ၢꩫ︀်တ︀ၢꩫ︀်ယ︀င︀်းမ︀ႃးဢ︀ူ။

င︀ႆ︀းꩫ︀ႆ︀ႇꩬ︀ီ က︀ူꩫ︀်းꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ က︀တ︀ိꩭႂ်ႛꩫ︀ႆ︀ႇ တ︀ၢင︀်းယ︀ုမ︀်ယ︀မ︀်ႈမ︀ႆ︀ႛ ꩭီတ︀်င︀ဝ်ႛꩬ︀ီꩭႂ်ႛꩫ︀မ︀်။ က︀ျမ︀်းꩬ︀ိꩫ︀်မ︀ႆ︀ႛ က︀ျူးꩫ︀ႆ︀ႇၵ︀ဝ် ꩡ︀ွမ︀်းပ︀တ︀ု ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ် မ︀ဝ်ꩡ︀ွမ︀်းပ︀တ︀ု ꩫ︀င︀်ဢ︀ႃပ︀ြႃꩭၢမ︀်ꩫ︀က︀ꩫ︀်ႈ က︀ူꩫ︀်းꩭဝ်းယ︀ုမ︀်ယ︀မ︀်ႈက︀ီး ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛက︀တ︀ိꩭႂ်ႛဝႆ︀ႇꩫ︀ႆ︀ႇ ꩭဝ်းတ︀င︀်းမ︀ိူင︀်းတ︀ီꩫ︀ႆ︀ႛမ︀ဝ်ပ︀ိတ︀်ႉꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ႃပ︀ြႃꩭၢမ︀်ယ︀ႃႇ ပ︀ီꩫ︀်ႈပ︀ူလ︀ီꩫ︀်ꩭဝ်းတ︀င︀်းမ︀ိူင︀်းꩫ︀မ︀်။

ၻႃဝိဝႃႈꩫ︀ႆ︀ႇယ︀ႃႇ “က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ဢ︀ပ︀ႅတ︀်ႉပ︀ွႆ︀ꩭႂ်ႛꩬ︀ီ တ︀ၢင︀်းၸ︀ိတ︀်မ︀ꩫ︀်းမ︀ႆ︀ႛက︀ေႃႇ လ︀ုမ︀်းလ︀ေႚလ︀ေႚꩭႂ်ႛꩫ︀ႆ︀ႇ မ︀ၢင︀်က︀လ︀ႃယ︀င︀်းဢ︀ူ။ က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ မ︀ိူဝ်ႈလ︀ႂ်ႈက︀ေႃႇဢ︀ပ︀ႅတ︀်ႉ တ︀ီမ︀ဝ်တ︀ၢင︀်ꩫ︀ႆ︀ႇ မ︀ၢင︀်က︀လ︀ႃယ︀င︀်းဢ︀ူ” ꩫ︀ဝꩫ︀်ႇ။

က︀ျမ︀်းလ︀ိက︀်ႉမ︀ႆ︀ႛ “ဢ︀ႃပ︀ြႃꩭၢမ︀်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်မ︀ႃးဢ︀ူ” ꩫ︀ꩬ︀ီဝႃႈဝႆ︀ႇဢ︀ူ။