Populiarios Biblijos eilutės iš မ︀ႃက︀ု 12

Dalintis

ꩡ︀ဝ်ႛယ︀ေꩬ︀ုယ︀ႃႇ “ဢ︀ီတ︀်ꩬ︀ြေးၵ︀ဝ်ꩴး ꩬ︀ိꩫ︀်ဢ︀ꩫ︀်ႈၵ︀ႅꩫ︀်းယ︀ႂ်ꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩫ︀ႆ︀ႇꩫ︀မ︀်။ ထွမ︀်က︀ꩫ︀်ႈတ︀ႃႉ။ ꩡ︀ဝ်ႛထႃဝရ︀ၸ︀ြႃးယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈꩫ︀မ︀်။ ꩡ︀ဝ်ႛထႃဝရ︀ၸ︀ြႃးမ︀ႆ︀ႛ တ︀င︀်းၵ︀ွꩫ︀်၊ တ︀င︀်းꩥ︀ႅꩫ︀်၊ တ︀င︀်းꩡ︀ႂ်ႈ၊ တ︀င︀်းၵ︀ူဝ်း၊ က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ဝႃႈꩭၢက︀်ႉဢ︀ူ။ က︀ူꩫ︀်းꩭိမ︀်းꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ꩫ︀င︀်ၸ︀ူႛꩡ︀ဝ်ႛꩫ︀က︀ꩫ︀်ႈ ဝႃႈꩭၢက︀်ႉဢ︀ူꩫ︀ꩫ︀ႆ︀ႇ ꩬ︀ိꩫ︀်ဢ︀ꩫ︀်ႈတ︀ုတ︀ိယ︀ၵ︀ႅꩫ︀်းယ︀ႂ်ꩫ︀မ︀်။ ꩬ︀ိꩫ︀်ဢ︀ꩫ︀်ႈꩬ︀ွင︀်ၵ︀ူဝ်ႛꩫ︀ႆ︀ႇမ︀ႆ︀ႛ ယ︀ႂ်ꩬ︀ႃꩫ︀ႆ︀ႇꩵ︀ႈယ︀င︀်း” ꩫ︀ꩬ︀ီက︀ေႛꩭႂ်ႛဢ︀ူ။

ꩫ︀ႆ︀ႇမ︀ႆ︀ႛ ꩡ︀ဝ်ႛယ︀ေꩬ︀ုယ︀ႃႇ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛꩭွင︀်ႇꩬ︀ီ “က︀ဝ်ႈဝႃႈက︀ွတ︀်။ မ︀ေႈမ︀ၢႆ︀ႛၸ︀ၢꩫ︀်ꩫ︀ႆ︀ႇ က︀ူꩫ︀်းဢ︀ꩫ︀်ႈတ︀ႅက︀်ႉၵ︀ွင︀်လ︀ူꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛ မ︀ႃးလ︀ူꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩬ︀ႂ်ꩫ︀မ︀်ꩬ︀ႃတ︀ေႇတ︀ေႇယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး တ︀ၢင︀်က︀ူဝ်ႇꩫ︀ႆ︀ႇၵ︀ဝ်ယ︀ႃႇ င︀ိူꩫ︀်းဢ︀ꩫ︀်ႈၵ︀ဝ်မ︀ႆ︀ႛလ︀ိူဝ်ꩫ︀ႆ︀ႇၵ︀ဝ်ꩫ︀မ︀် မ︀ႃးလ︀ူက︀ꩫ︀်ႈꩫ︀ႆ︀ႇ။ ꩫ︀ႆ︀ႇꩫ︀က︀ေႃႇမ︀ꩫ︀်းယ︀ႃႇ ၸ︀ၢꩫ︀်ၵ︀ႅတ︀်ႉꩰꩬ︀ီဢ︀ူက︀ေႃႇ ဢ︀ꩫ︀်ႈꩫ︀င︀်မ︀ꩫ︀်းမ︀ႆ︀ႛယ︀င︀်းꩫ︀ႆ︀ႇတ︀င︀်းမ︀ိူင︀်းလ︀ူမ︀ႃးယ︀ဝ်ႇ” ꩫ︀ဝꩫ︀်ႇ။

ဝၢႆ︀းဢ︀မ︀ႂ်း ꩡ︀ဝ်ႛယ︀ေꩬ︀ု က︀ꩫ︀်ႛꩫ︀ႃႛတ︀ႅက︀်ႉၵ︀ွင︀်လ︀ူꩡ︀ွင︀်းၿိက︀်ႉမ︀ၢꩫ︀်မ︀ႆ︀ႛꩫ︀င︀်ႈꩬ︀ီ က︀ူꩫ︀်ႈဢ︀ꩫ︀်ႈမ︀ႃးꩬ︀ႂ်ၵ︀ွင︀်လ︀ူꩫ︀ႆ︀ႇၵ︀ဝ်မ︀ႆ︀ႛလ︀ႅမ︀်းဢ︀ူ။ ၸ︀ုင︀်ၸ︀ူႛမ︀ီးꩫ︀ႆ︀ႇၵ︀ဝ်ယ︀ႃႇ င︀ိူꩫ︀်းတ︀င︀်းပ︀ုမ︀်းဢ︀ဝ်ႈမ︀ႃးꩬ︀ီ တ︀ႅက︀်ႉၵ︀ွင︀်လ︀ူမ︀ႆ︀ႛ လ︀ူꩬ︀ႂ်က︀ꩫ︀်ႈဢ︀ူ။ မ︀ိူဝ်ႈဢ︀မ︀ႂ်း မ︀ေႈမ︀ၢႆ︀ႛၸ︀ၢꩫ︀်က︀ူဝ်ႇလ︀ိူင︀်ႈယ︀ႃႇ င︀ိူꩫ︀်းတ︀ွင︀်းဢ︀ွꩫ︀် ꩬ︀ွင︀်ၵ︀ႅပ︀်လ︀ိူင︀်ႈမ︀ႃးလ︀ူꩬ︀ႂ်ဢ︀ူ။

တ︀ူႈၵ︀ႃႛꩡ︀ဝ်ႛထႃဝရ︀ၸ︀ြႃးမ︀ႆ︀ႛ တ︀င︀်းၵ︀ွꩫ︀်တ︀င︀်းꩥ︀ႅꩫ︀်တ︀င︀်းꩡ︀ႂ်ႈတ︀င︀်းၵ︀ူဝ်း က︀ႃႈꩫ︀င︀်ꩭႅင︀်းယ︀င︀်းꩫ︀ႆ︀ႇ ဝႃႈꩭၢက︀်ႉတ︀ီၵ︀ႃႛဢ︀ူ။ က︀ူꩫ︀်းꩭိမ︀်းꩭိူꩫ︀်းၸ︀ူႛꩡ︀ဝ်ႛမ︀ႆ︀ႛ ꩫ︀င︀်ၸ︀ူႛꩡ︀ဝ်ႛꩫ︀က︀ꩫ︀်ႈ ဝႃႈꩭၢက︀်ႉတ︀ီၵ︀ႃႛဢ︀ူ။ ꩬ︀ိꩫ︀်ꩬ︀ွင︀်ၵ︀ူဝ်ႛꩫ︀ႆ︀ႇယ︀ႃႇ ၵ︀ႅက︀်ꩫ︀ၵ︀ႃၵ︀ွင︀်လ︀ူတ︀ၢင︀်ဢ︀ꩫ︀်ႈတ︀င︀်းမ︀ိူင︀်းမ︀ႆ︀ႛ မ︀ႅတ︀်ႉꩬ︀ႃတ︀ီၵ︀ႃႛဢ︀ူ” ꩫ︀ဝꩫ︀်ႇ။

င︀ႆ︀းက︀ီး ꩡ︀ဝ်ႛယ︀ေꩬ︀ုယ︀ႃႇ “ဢ︀ꩫ︀်ႈꩡ︀ဝ်ႛꩭူဝ်ꩬ︀ႅင︀်ယ︀ႃႇ ꩡ︀ဝ်ႛꩭူဝ်ꩬ︀ႅင︀်မ︀ႆ︀ႛꩭႂ်ႛတ︀ႃႉ။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛဢ︀ၢပ︀်ႉတ︀ႃႉ” ꩫ︀ဝꩫ︀်ႇ။ ꩫ︀ႆ︀ႇမ︀ႆ︀ႛၵ︀ဝ်ယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛဢ︀ၢမ︀်းက︀ꩫ︀်ႈဢ︀ူ။