Populiarios Biblijos eilutės iš မ︀တ︀်တ︀ႄး 18

Dalintis

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀မ︀ႆ︀ႚꩫ︀က︀ေႃႇ ꩬ︀ူꩡ︀ိုဝ်ႈက︀ဝ်ႈမ︀ႆ︀ႛꩭီတ︀်င︀ဝ်ႛꩬ︀ီ ꩬ︀ွင︀်ꩬ︀ၢမ︀်က︀ူဝ်ႇ တ︀ုမ︀်ႈက︀ꩫ︀်ႈက︀ီး တ︀ီႈဢ︀မ︀ႂ်းမ︀ႆ︀ႛ က︀ဝ်ႈတ︀င︀်းၵ︀ဝ်ယ︀င︀်းꩬ︀ီꩫ︀မ︀်” ꩫ︀ဝꩫ︀်ႇ။

ꩡ︀ႃႇလ︀ိူင︀်ႈ ꩬ︀ူꩬ︀ွင︀်က︀ူဝ်ႇလ︀ိူင︀်ႈ ဢ︀မ︀ႆ︀ႚꩫ︀က︀ေႃႇ ꩡ︀ႂ်ႈၵ︀ူမ︀်က︀ꩫ︀်ႈꩬ︀ီꩭူမ︀်ႈယ︀ွꩫ︀်းꩬ︀ူးက︀ီး ဢ︀ꩫ︀်ႈꩫ︀င︀်ꩬ︀ူယ︀ွꩫ︀်းꩫ︀ႆ︀ႇ ပ︀ူဝ်က︀ၢင︀်ႈꩭၢဝ်က︀ဝ်ႈꩭီတ︀်ꩭႂ်ႛဢ︀ူ။

မ︀ꩫ︀်းꩡ︀ဝ်ႛယ︀ႃႇ လ︀ၵ︀ႃက︀ူဝ်ႇလ︀ိူင︀်ႈမ︀ႆ︀ႛꩭွင︀်ႇင︀ႆ︀း က︀ꩫ︀်ႛꩫ︀ႃႛၵ︀ဝ်မ︀ႆ︀ႛ ꩭႂ်ႛꩬ︀ဝ်းယ︀ဝ်ႇက︀ီး “ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ ꩬ︀ူꩫ︀င︀်လ︀ၵ︀ႃꩫ︀ႆ︀ႇၵ︀ဝ်ꩫ︀က︀ꩫ︀်ႈ ꩡ︀ႂ်ႈပ︀ူဝ်းမ︀ဝ်လ︀ႆ︀ၢႈမ︀ႃးက︀ီး မ︀ိူင︀်းက︀ၢင︀်ႈꩭၢဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ꩵ︀ႈꩫ︀ႆ︀ႛၵ︀ဝ်ႛ။

က︀ူဝ်ႇဢ︀ꩫ︀်ႈꩫ︀င︀်လ︀ၵ︀ႃꩫ︀ႆ︀ႇၵ︀ဝ်ꩫ︀က︀ꩫ︀်ႈ က︀ွမ︀်းꩫ︀ွမ︀်းꩫ︀ႆ︀ႇ မ︀ိူင︀်းက︀ၢင︀်ႈꩭၢဝ်မ︀ႆ︀ႛ တ︀ီပ︀ီꩫ︀်ႈဢ︀ꩫ︀်ႈၵ︀ႅꩫ︀်းယ︀ႂ်ꩫ︀မ︀်။

က︀ူဝ်ႇဢ︀ꩫ︀်ႈꩫ︀ူႈꩫ︀ႃႛက︀ဝ်ႈꩬ︀ီ လ︀ၵ︀ႃၸ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭၢပ︀်ႉဢ︀ဝ်ႈꩫ︀ႆ︀ႇ ဢ︀ꩫ︀်ႈက︀ဝ်ႈမ︀ႆ︀ႛက︀ေႃႇꩭၢပ︀်ႉꩫ︀မ︀်။

ထွမ︀်ꩫ︀ီႈꩫ︀ီႈတ︀ႃႉ။ က︀ဝ်ႈဝႃႈက︀ွတ︀်။ ဢ︀ꩫ︀်ႈꩬ︀ူမ︀ိူင︀်းက︀ၢင︀်ႈမ︀ႆ︀ႛ ꩭၢမ︀်ႛဝႆ︀ႇꩫ︀ႆ︀ႇ မ︀ိူင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ꩭၢမ︀်ႛဢ︀ူ။ ဢ︀ꩫ︀်ႈꩬ︀ူမ︀ိူင︀်းက︀ၢင︀်ႈမ︀ႆ︀ႛ ဢ︀ၵ︀ၢင︀်းꩭႂ်ႛဝႆ︀ႇꩫ︀ႆ︀ႇ မ︀ိူင︀်းက︀ၢင︀်ႈꩭၢဝ်မ︀ႆ︀ႛက︀ေႃႇ ဢ︀ၵ︀ၢင︀်းꩭႂ်ႛဢ︀ူ။

ꩬ︀ူက︀ေႃႇ ဢ︀ပ︀ႅတ︀်ႉပ︀ိူꩫ︀်ႈမ︀ႆ︀ႛ မ︀ဝ်ပ︀ွႆ︀လ︀ွတ︀်ႉꩭႂ်ႛတ︀ေႇတ︀ေႇက︀ီး ꩬ︀ူမ︀ႆ︀ႛက︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈ ပ︀ူဝ်က︀ၢင︀်ႈꩭၢဝ်က︀ဝ်ႈ တ︀ီꩭႂ်ႛတ︀ၢမ︀်ꩫ︀မ︀်။

ၸ︀ႂ်ꩫ︀က︀ေႃႇ လ︀ၵ︀ႃၸ︀ꩫ︀်းꩫ︀ႆ︀ႇမ︀ႆ︀ႛက︀ဝ်းꩬ︀ီ ꩡ︀ႂ်ႈဢ︀ꩫ︀်ႈက︀ဝ်ႈမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇ ဢ︀ဝ်ႈၸ︀ေႛက︀ႃက︀ီး က︀ူဝ်ႇဢ︀ꩫ︀်ႈက︀ဝ်းဢ︀မ︀ႂ်းမ︀ႆ︀ႛ ꩭိꩫ︀်လ︀ူင︀်ၸ︀ုက︀်ꩡ︀ပ︀်ꩬ︀ီ ꩫ︀မ︀်ႇပ︀ၢင︀်လ︀ၢႆ︀မ︀ႆ︀ႛ ပ︀ိုဝ်တ︀ူက︀်ၵ︀ွတ︀်ꩫ︀ႆ︀ႇၵ︀ႅꩫ︀်းꩫ︀ီႈဢ︀ူ။

က︀ူꩫ︀်းဢ︀ꩫ︀်ႈပ︀ူႇပ︀ၢက︀်တ︀ူဝ်ႈယ︀င︀်းꩫ︀ႆ︀ႇ တ︀ူဝ်ႈလ︀ိူင︀်ႈꩭႆ︀ၢက︀ႃက︀ီး မ︀ꩫ︀်းတ︀ီꩭလ︀ိုဝ်ꩫ︀ႆ︀။ ၵ︀ꩫ︀်တ︀ႂ်းတ︀ီမ︀ဝ်က︀ႃၵ︀ႃက︀ျႃး။ ပ︀ူႇဢ︀ꩫ︀်ႈက︀ိူတ︀်က︀ဝ်ႛꩬ︀ိပ︀်က︀ဝ်ႛတ︀ူဝ်ႈꩫ︀ႆ︀ႇ င︀ွꩫ︀်းပ︀ႃယ︀ႃႛမ︀ႆ︀ႛလ︀ႃႈဝႆ︀ႇꩬ︀ီ တ︀ူဝ်ႈဢ︀ꩫ︀်ႈꩭႆ︀ၢဢ︀မ︀ႂ်းမ︀ႆ︀ႛ တ︀ီက︀ႃၵ︀ႃꩬ︀ႃး။