Populiarios Biblijos eilutės iš ယ︀ေႃးꩭၢꩫ︀် 9

Dalintis

ဢ︀မ︀ူးꩡ︀ဝ်ႛဢ︀ꩫ︀်ႈက︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇꩫ︀ႆ︀ႇ မ︀ိူဝ်ႈလ︀ႅင︀်းမ︀ိူဝ်ႈꩡ︀ၢင︀်ꩫ︀ႆ︀ႇ ꩭဝ်းဝႃႈꩭီတ︀်ဢ︀ူ။ ယ︀ၢမ︀်းပ︀ၢင︀်ႛၵ︀မ︀်ႈ ဢ︀ꩫ︀်ႈမ︀ိူဝ်ႈၸ︀ႂ်က︀ေႃႇ ꩭီတ︀်ဢ︀မ︀ူး မ︀ဝ်ꩫ︀ႆ︀ႛꩫ︀ႆ︀ႇ တ︀ီထိုင︀်မ︀ႃးꩫ︀မ︀်။

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ဝ်ႈယ︀ႃႇ မ︀ိူဝ်ႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ ဢ︀ꩫ︀်ႈလ︀ႅင︀်းမ︀ိူင︀်းက︀ၢင︀်ႈꩫ︀မ︀်။ က︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭိုဝ်လ︀ိုဝ်ဝႃႈဢ︀ူꩫ︀ꩫ︀ႆ︀ႇ က︀ဝ်ႈပ︀ျႃးတ︀ၢင︀်းꩭႂ်ႛဢ︀ူ” ꩫ︀ဝꩫ︀်ႇ။

တ︀ပ︀ေးꩡ︀ဝ်ႛၵ︀ဝ်ယ︀ႃႇ “ꩡ︀ဝ်ႛꩴ︀း မ︀ꩫ︀်းတ︀ႃႈမ︀ွတ︀်ꩫ︀ႆ︀ႇ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉမ︀ꩫ︀်းꩡ︀ဝ်ႛတ︀ီၵ︀ႃႛက︀ျႃး။ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉ ပ︀ူဝ်မ︀ေမ︀ꩫ︀်းၵ︀ဝ်တ︀ီၵ︀ႃႛက︀ျႃး” ꩫ︀ꩬ︀ီꩡ︀ဝ်ႛယ︀ေꩬ︀ုမ︀ႆ︀ႛ ꩬ︀ွက︀်ႉဢ︀ူ။ မ︀ꩫ︀်းꩡ︀ဝ်ႛယ︀ႃႇ “လ︀ႆ︀ၢးပ︀ိူဝ်ႈဢ︀ပ︀ႅတ︀်ႉမ︀ꩫ︀်းၸ︀ူႛꩡ︀ဝ်ႛက︀ေႃႇꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉပ︀ူဝ်မ︀ေမ︀ꩫ︀်းၵ︀ဝ်က︀ေႃႇꩵ︀ႈꩡ︀ႂ်ႈ။ မ︀ꩫ︀်းတ︀ႃႈမ︀ွတ︀်ꩫ︀ႆ︀ႇ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛပ︀ျႃးမ︀ူꩫ︀်ႈၸ︀ုင︀်းꩫ︀ႆ︀ႛꩫ︀ႆ︀ႇꩫ︀မ︀်။

ꩡ︀ဝ်ႛယ︀ေꩬ︀ုယ︀ႃႇ “ၸ︀ူႛတ︀ႃႈမ︀ွတ︀်ꩫ︀ႆ︀ႇၵ︀ဝ် ꩭႂ်ႛပ︀ူဝ်းꩭꩫ︀်ꩫ︀ႆ︀ႇင︀ႆ︀း၊ ၸ︀ူႛတ︀ႃႈꩭꩫ︀်ꩫ︀ႆ︀ႇၵ︀ဝ် ꩭႂ်ႛပ︀ူဝ်းပ︀ီꩫ︀်ႈၸ︀ူႛတ︀ႃႈမ︀ွတ︀်ꩫ︀ႆ︀ႇ ပ︀ႅတ︀်ႉတ︀ြႃးက︀ွတ︀်ꩫ︀ꩬ︀ီ မ︀ိူင︀်းက︀ၢင︀်ႈမ︀ႆ︀ႛ က︀ဝ်ႈက︀ျွႃးမ︀ႃးꩫ︀မ︀်” ꩫ︀ဝꩫ︀်ႇ။