Populiarios Biblijos eilutės iš Matyo 19

Dalintis

Yeso a lén awa ɨ soŋ a mbó bo ngə́, “A mbó ŋwɔn mɨsɔŋ a ntsu a nɨ anu za a chinɨ keʼ fuə, lá a mbó Ŋwi ɨnu ɨtsum chi fuə.”

Ma lan, ka bo bə mbe awa lá bi bɨbá, bo be be táʼ ɨnyam ɨnye ə. Za Ŋwi a bosɨnɨ lá, á ŋwɔn tsɛrə a keʼ saʼnə.”

Yeso a chwɨ́gɨ́ ngə́, “Nɨ bvurɨ tɨ tɔŋ ngə́ wɛrə wa a káʼnɨ́ awa a mbiʼnə, a káʼ awa mbáŋnɨ́ bo mangye le? Ŋwi a sóŋ ngə́, ‹Mbɨ́ʼ ma lan, ŋwɔn mbáŋnɨ́ a ghɨ lo ɨ nyɛʼtɨ a ta ɨyi bo nɨmi ɨyi, ɨ bosɨ bo ngwe ɨyi, á bo wa bɨbá tiʼ mbe táʼ ɨnyam ɨnye ə.›

lá Yeso a sóŋ ngə́, “Nyɛʼtɨnɨ ɨbɔ bə kɨʼnɨ á bɨ ngyíŋə́ a mbó me, nkeʼ awa a nkɨ́ŋə́, mbɨ́ʼ ngə́ Nɨfɔ nɨ fɔməbvurə tsi lá a mbó bo ghe.”

Lá bə ghaʼnɨ ba bo nɨ bɨtsabɨmbyi ghɨ tiʼ be bɨtsɨrɨ bɨ ndzum, á bɨtsɨrɨ bɨ ndzum be bɨtsabɨmbyi ɛ.”

A ŋwɔn tsum wa a nyɛʼtɨnɨ ndá kə ɨbɔmbɨma bə mbáŋnɨ́ kə ɨbɔmbɨma bə bəngye kə a ta ɨyi kə a nɨmi ɨyi kə ɨbɔ ɨbyi kə ɨbɨŋ ɨshe ɨchi mbɨ́ʼ ɨkum ɨghan, a mɨ bə tsi nɨ tsɛrə nkfu táʼ nkɨ, ɨ kɨ kwarɨ ntsi ntən nɨnkoŋ ə.

Yeso a sóŋ wəmbo ngə́, “Be o tsi nɨ nkɔʼ ɨ tɛm ngə́ tsáŋ, ghɛn fiŋ azúm atsum za o tsinɨ nɨ zɛrə, nga nkáb zɨ wu a mbó ngaŋ afúm, o mɨ tiʼ tsi nɨ afuʼ a fɔməbvurə; ntiʼ ngyen ndzɔŋ aghə.”

Yeso a chwɨ́gɨ́ ngə́, “O bitɨ aghan mbɨ́ʼ anu za a bɔŋnɨ lá ngə́ ke le? A tsi tsɛʼ Táʼ ŋwɔn wa a bɔŋnə. Be a be ngə́ o ghɨ kón a mu ntsi ntən nɨnkoŋ za, len ntɨgə tsa.”

Ma kə nkwiʼə sóŋə́ a mbó bən ngə́, a yaŋnɨ a mbó aŋaŋuʼə ɨ tosɨ tsa a mu ngvo ɨsáʼ ntsa adzaŋ za be ŋwɔn afuʼ zə wi a kon a mu Nɨfɔ nɨ Ŋwi ə.”

Ma tiʼə sóŋə́ a mbó bən ngə́: ŋwɔn tsum wa a kɨŋnɨ a ngwe ɨyi, be a tú be be mbɨ́ʼ achwurɨ, ndzɔ́ʼ a wə daŋ, a chwurə.”

Yeso a tíʼ sóŋ a mbó bɨyɛʼ ɨbyi ngə́, “Tsɛʼ a nkənu, ma soŋ a mbó bɨŋ ə, a ghɨ tən a mbó ŋwɔn nkáb a nkúŋə́ a mu Nɨfɔ nɨ fɔməbvurə ghe.