Populiarios Biblijos eilutės iš PHAO: THUG' 7

Dalintis

ASANG wa- ngo wa nao re kho:kham pho" qhid' kheim: mae Mao"So we' dakhyo: kad' nhao nae". Aimung: ni" nho: lapa khyo" ni" mao: Arun wa kho:kham pho" re jhau: li" nae".

Ngadqere: ngo wa kho:kham pho" re nhag' lam: qao nhao nae". Yao: wa Egutu mung" mae khonho" sho' qu" gyaug qu" lhaung: ra" ja: ngo kad' sho' ngadqere: ni" dao: re yao: matae" gyo: nae". Ailao"- ngo wa Egutu mung" re gyai xo: ra" qobo dae byid: mung:- nga" byumyu" re ai: mung"dan: mae" jhui" thug' lo" nae".

Nga" lo, tau to' mung: yao: bam re gye kad' yaug: Israel byu qere yao: bam: mung" mae" jhui" thug' lo" lao"- ngo wa ASANG ngad: rure Egutu byu qe ba: li" genae".

Ailao" kho:kham pho" wa- yao" pha,jhi" bo mo, qe we' mandan: ba mo, re khai: yu mung:- yao: bam wa yao: bam yao" mandan: pha,jhi" yang ai we' dakhyo: kad' ako". Yao: bam wa yao: bam: zaung: bao" jham re pye' khyo" ke' ako". Ai: zaung: bao" jham wa lhao maui jham boe" lo" ako". Ngadqere: Arun nho: zaung: bao" wa yao: bam: zaung: bao" jham re myug: pye' ra".

Ana" kho:kham pho" we"- yao: pe" ja: kad' li" nae" ra" khyo" yang yao: khag' ngad: rure nao myao: li" nae"- ga: ASANG ta" ra". Qu" wa,- ngo wa ce: zaung: bao" yang ce: qid gyaung: dao: mae be; ke' nae"- ailao"- qid wa sa: boe" lo" li" nae".

Kho:kham pho" wa mug' pho: kad' qhu" ra" khyo" naotao yao" gaung re sagse: qhu" byid: nae" mho' lao"- Arun re yao" zaung: bao" re yu: yu yang: kho:kham pho" nho: qhid' kheim: mae pye' khyo" ke' nae" ta" wa,- ai: zaung: bao" wa lhao maui boe" lo" li" nae"- ga: ta" ra". Airumung: Moshe we' Arun tao wa kho:kham jhao" ye: mung: ASANG amyin" byid' to" ru we' dakhyo: yekad' ako". Arun wa yao" zaung: bao" re kho:kham pho" we' yao" zug: qe: qhid' kheim: mae pye' ke' ra". Ai: zaung: bao" wa lhao maui boe" lo" ra".