Populiarios Biblijos eilutės iš Tioni 15

Dalintis

Enisi 'o a ovu uaini xe ngingi a avo'avolu. Itema aneva utoxo avile noxilo xe eni atoxo avile noxou la uxalixu nene'axu ulolutusi. Xo loxo ngingisi ngaxolumo xe ngano'u su'uli noxilo uasi la ngaxalixu mi vile uasisi.

Laso nga'oxo aloxo 'o. Ngaxolu ngatoxo avile noxilo mo eni axolu atoxo avile noxinge. Xo loxo ovu uaini avolu la molu uxalixu nene'axumo uasi, anu vote'i so uxalixu nene'axu a so utoxo avile no anu ainusi. Mo ngingi axone kalumo, vote'i so ngingi ngaxalixu nene'axu a so ngatoxo avile noxilosi.

Loxo ngaxolu ngatoxo avile noxilo mo vaikalaxeli utoxo avile noxinge xe ngalingau mi ma'ia ngamasaxau la ngingi ngaxalisou ane.

Ngingi ngailouleli uasi, eni melo eiloungengi ane. Xe mukalu la esosovosinge so lexe ngingi ngalailai mo ngaxalixu nene'axu ane so uxolu avile. Laso loxo mi ma'ia ngalingau noxou Maminge no anu ualasilo la anu ulosingesi.

Sexela noxou itema ane uua'ulixu sexela iou se'i a ane so upilixinu maulixu so si'a tamenexu.

Laso loxo avo'avolu noxilo ane unene'a uasi la anu uxotosou uxexe mukalusi. Io anu ane uxaxalixu nene'axu la Mamilo avo'avolusou xo upe'esou malusou mo so uxolu malemalengasi xo axone la nene'axu ulolutusi.

Voto noxilo so apilixinu noxinge aloxo 'o. Ngingi ngasexelangenge ngato'o aloxo eni esexelangenge ne.

Loxo ngingi ngaxalixu nene'axu ulolutu la anu umaxa'u lexe ngingi tatisaipelixeli. La anene vote'i so Mamilo ualasou utilasi.

Ioxe, Iesua musolonu la mu'oxonu latilovo aloxo 'o, “Eni 'o, a ovu uaini maninasou xe Mamilo anu mosou xaisou uaini ne.

Xe loxo evile uxolu utoxo avile noxilo uasi la uxexe usu'asi aloxo tamitema ixexenu isu'anu ovu avo'avolu ane unene'a uasi. Isu'anu xo xe uxaloe la ipitanu kaio ipeinu u'una no navusi mole u'ela avile.

Elemolu mimi ano'o noxinge xo amasaxau manina lexe osa noxilo uxolu noxinge mo so osa noxinge uxali loloni avile.

Eni 'o la emulinu voto noxou Mamilo mukalusi mo a atalupexa avile no anu sexelasilo noxou. La anu axonesi noxinge, ngingi ngamulinu voto noxilo mo so ngatalupexa avile no anu sexelasinge noxilo 'o.

Voto noxilo apilixinu noxinge e so ngasexelangenge ngato'osi.

Loxo ngingi xoluxolungenge no anu lialiasi, la ane'i tatemanu ne isexelangengisi xo ngingi ngoli'amo. Ia ngingi so lialia uasi xo eni eiloungengi ngela no anu xoluxolu so lialia mukalu, laso maixene tatemanu imata­piangengi ne.