Populiarios Biblijos eilutės iš ABhaluumi 2

Dalintis

Leelo aawe wamwetu, wʉ‑ʉhunʼnonga ʉwamwenyu hu habhaazyo ɨho nawe ʉbhomba ɨmbiibhi zyɨzyo, ʉgandi asɨɨbhe huje ʉNgʉlʉbhɨ ahayihuleha sinta hulonje. ɄNgʉlʉbhɨ ali nʉ mwoyo ʉmwinza, pɨpo ahulolela ɨnkʉmbʉ ɨngoosi, saga aʼpiiye ʉlufundo nka heeka, leelo ahujimbiilila huje ʉlaate ɨmbiibhi zyaho. Ɨshi yeenu ʉhunʼsyonshela?

Ɨshi, aawe wamwetu Nʼnyahuudi, aawe wʉ‑ʉlonga abhantu abhanjɨ, saga ʉbhajiiye ahwiyʉʉmɨle nka hashe pitagaalila lya Ngʉlʉbhɨ, hwope ʉbhe we naanu. Enya, hu habhaazyo lwʉ‑ʉhunʼnonga ʉwamwenyu, ɨshi ʉhwilonga weewe wʉmwene, pɨpo nawe ʉbhombile ʉbhiibhi wʉʉwo.

Enya, ʉNgʉlʉbhɨ saga abaagula ʉmuntu wowonti.

Bhahayilongwa, pɨpo ʉNgʉlʉbhɨ saga ahumʼmaazizya abhe nʼgolosu ʉmuntu afumilane na hwʉmvwe ɨndajizyo zya Moose lwene, leelo ahumʼmaazizya abhe nʼgolosu ʉmuntu, pɨpo abhomba gaala ɨgo ɨndajizyo ziyanga.

Isiku ɨlyo ʉNgʉlʉbhɨ ahayihunʼsomba shila muntu alɨngaane nɨ mbombo zyakwe.

Leelo, bha bhali bhiimi ɨbho bhakhaana ɨlyoli na‑abhombe ʉbhiibhi, ʉNgʉlʉbhɨ ahayihubhaviitilwa na hubhapeele ʉlufundo.

Ɨshi, ʉhwibhɨɨshɨla ʉlufundo ʉlugoosi tee hwi‑isiku ɨlyo ʉNgʉlʉbhɨ ahayibhomba ʉlongwe lwakwe ʉlwɨ golosu, pɨpo ʉli na mabaado nantele saga ʉhwanza alaate ɨmbiibhi zyaho.