Populiarios Biblijos eilutės iš Yoohani 15

Dalintis

Anɨ ɨndi nanshi ɨzabiibu, amwɨ muli nanshi ɨnsamba. Ʉmuntu wa‑abha peeka naanɨ, nanɨ ɨmba peeka nawo hu habhaazyo honti, ʉyo ahayibha ahwezya amantongooni aminji, pɨpo saga mubhajiiye abhombe ga gakhondɨɨye sinta abhe peeka naanɨ.

Jendelelaji abhe peeka naanɨ, nanɨ ɨmbala‑ajendeelele abhe peeka naamwɨ. Saga mubhajiiye abhombe ɨgo gahunʼkhondeezya ʉNgʉlʉbhɨ sinta abhe peeka naanɨ, nanshi ɨsho ɨnsamba saga zibhajiiye ahwezye amantongooni sinta hwikhatiilile mu zabiibu.

Nkashele musyala muuhati muliinɨ na hugabhombele ɨmbombo amazwi ɨgo ɨhubhalajizya, ɨshi laabhaji hwa Daada waanɨ hohonti ɨho muhwanza, wope anza hubhapeele.

Saga mwɨmwɨ mwahansaluuye anɨ, lyoli nɨɨnɨ nahabhasaluuye amwɨ abhe bhasundwe bhaanɨ huje mwezye amantongooni ga saga gamaliha dumu. Nkashele mubhombe ɨsho, gonti ɨgo mulaabha ashilile hwi‑itaawa lyanɨ, wope ʉDaada waanɨ anza hubhapeele.

Ʉmuntu ʉyo ahubhafwɨla abhamanyani bhaakwe, ali nʉ kʉndwa ashile ʉkʉndwa ʉwɨ waaji wonti.

Shila samba muuhati yaanɨ ʉwo saga wuhwezya amantongooni, ʉDaada waanɨ ahuwudumula. Leelo shila samba ʉwo wuhwezya amantongooni, ʉDaada waanɨ ahuwutenjeshezya huje wonjeelele ahwezye.

Ɨndajizyo yaanɨ yɨ‑ɨhubhalajizya ya yɨɨnɨ, ‘Gananaji nanshi ɨsho anɨ ɨmbagɨɨne amwɨ.’

Nkashele muhwezya amantongooni aminji, amwɨ muli bhasundwe bhaanɨ bhɨ lyoli. Hwi‑idala ɨlyo, munza‑abhe mulolesya ʉmwamu wa Daada waanɨ.

Ɨpo ʉYeesu ahajendeelela hubhabhʉʉzye abhasundwe bhaakwe ahaga, “Anɨ ɨndi nanshi ɨzabiibu ɨyɨ lyoli ɨyo ɨhwezya amantongooni aminza, ʉDaada waanɨ ali nanshi ʉnʼnimi.

Ʉmuntu wowonti wa saga ali peeka naanɨ alɨngaana nanshi ʉsamba ʉwo wutaagwa na hwʉme. Ɨpo abhantu bhasebha na huwupembe mu mwoto na‑alʉngʉlɨle.

Ɨmbabhʉzɨɨzye ɨgo huje mujendelelaje abhe nʉ luseshelo nanshi anɨ, nantele mubhanje nʉ luseshelo ʉlugoosi tee.

Nkashele mubhomba ɨgo gɨ‑ɨhubhalajizya, ɨpo mubha mu kʉndwa waanɨ nanshi ɨsho anɨ ɨbhomba ɨgo ʉDaada waanɨ ahandajiziizye na‑asyale mu kʉndwa waakwe.

Ɨshi ɨhubhalajizya amwɨ huje, gananaji.”

Nkashele mwabhanga bhantu bha mu nsi ʉmu, ɨpo abhantu ɨbho handɨ bhahubhagana nanshi ɨsho bhahubhagana abhantu bhaabho. Leelo amwɨ saga muli bha mu nsi ʉmu, pɨpo ɨmbasaluuye afume mu nsi ʉmu, sha shɨɨsho abhantu abha mu nsi ʉmu bhahubhaviitilwa.