Populiarios Biblijos eilutės iš ƗMbombo ɨzya Bhasontwa 9

Dalintis

Leelo, ʉMwɨnɨ ahamʼmʉʉzya ʉAnaniya ahaga, “Aawe bhalaga! Ʉmuntu ʉyo ɨnʼsaluuye aje, abhe mʼmomvi waanɨ huje, abhabhʉzyaje ɨnongwa ɨzyaliinɨ aBhaizilaeeli, bha saga Bhaizilaeeli na bhamwɨnɨ bhaabho.

Ahagwa pa nsi, ahʉmvwa izwi lihumʼmʉʉzya liyiga, “Sauli! Sauli! Yeenu ʉhundavya?” ɄSauli ahabhʉzɨɨlɨzya huje, “Aawe we naanu, Mwɨnɨ?” Lyope izwi lyahaga, “Anɨ nɨ Yeesu wʉ‑ʉhundavya.

Ɨpo ʉAnaniya ahabhala, ahatʉʉha mu nyumba ɨyo ʉSauli ahali. Ahamʼmɨɨshɨla ɨnyoobhe, ahamʼmʉʉzya huje, “Sauli wʉ‑ʉli mwoziwa wamwetu! ɄMwɨnɨ ʉYeesu ansonteleziizye hwaliiwe huje, ʉyande alole, nantele ʉmʼmwambɨɨlɨle ʉMʼpepo ʉMʼfinjile. ɄYeesu ʉyo ya yʉʉyo wa‑ahaʼloleshɨɨye mwi‑idala hu habhaazyo haala lwa wahɨnzaga ɨpa.” Lubhilo ɨvintu vya vili nanshi amakooko vyahalagala afume mu maaso ga Sauli, ahanda alole nantele. Ahɨmɨɨlɨla, ahoozewa.