Populiarios Biblijos eilutės iš ƗMbombo ɨzya Bhasontwa 5

Dalintis

ɄPeeteli na bhasontwa abhamwabho bhahamʼmwamula bhahaga, “Tihwanziwa hunʼtinishe ʉNgʉlʉbhɨ, ashile hubhatinishe abhantu!

Saga bhahaleshile amanyizye abhantu na hubhalʉmbɨɨlɨle ɨNongwa ɨNyinza huje, ʉYeesu yʉ Mʼfyʉli. Bhahajendelelaga amanyizye na‑alʉmbɨɨlɨle ɨnsiku zyonti mu lubhaga lwɨ nyumba ɨmfinjile ɨya Ngʉlʉbhɨ na mu nyumba zya bhantu.

Leelo, ʉPeeteli ahanʼdaamila ahaga, “Ananiya! Yeenu ɨshi, wanʼneha ʉSeetano atʉʉha mu mwoyo gwaho? Ʉfishila ayanje ilenga hu Mʼpepo ʉMʼfinjile! Waafisa ɨmpɨɨya zimo ɨzyo ʉkaziizye ʉnʼgʉnda gwaho. Shʉ‑ʉsɨɨle akazye, gwahali nʼgʉnda gwaho! Hwope lwa waakazya, ɨmpɨɨya ɨzyo zya wahazyajile, zyahali mu makhono gaaho abhombele shʉ‑ʉhwanza weewe! Ɨshi! Zyahali bhʉlɨ bhʉlɨ ahwɨtɨshe ɨnongwa ɨzi mu mwoyo gwaho huje, ʉbhombe nanshi ɨga? Saga ʉyanjile ilenga hwa bhantu bheene, lyoli ʉyanjile ilenga na hwa Ngʉlʉbhɨ yʉʉyo!” ɄAnaniya lwa wʉmvwa amazwi ga Peeteli ɨgo, ahagwa pa nsi, ahafwa pɨnɨɨpo. Bhonti bha bhahalolile na bhonti bha bhahʉmvwɨzye ɨnongwa ɨzyo, bhahakhatwa nʉ wooga ʉgoosi.

Ɨshi ɨhubhabhʉʉzya huje, mubhe maaso na bhantu ɨbha! Mubhaleshe lwene! Nkashele ɨnsɨɨbho zyabho na zyonti zya bhabhomba zifumile hwa bhantu, zyahayitila pashaaha. Leelo, nkashele zifumile hwa Ngʉlʉbhɨ, saga mubhajiiye adinde, lyoli mubhala‑abhe mulwa nʉ Ngʉlʉbhɨ yʉʉyo.”