Populiarios Biblijos eilutės iš ƗMbombo ɨzya Bhasontwa 2

Dalintis

ɄPeeteli ahabhaamula ahaga, “Laataji na huzileshe ɨmbiibhi, shila muntu. Mwozewe hwi‑itaawa lya Yeesu ʉKilisiti huje, mukhobhoshelwe ɨmbiibhi zyenyu. Namwɨ mwahayambɨɨlɨla ɨmpeesya, hwa huje ʉMʼpepo ʉMʼfinjile.

Bhonti ɨbha bhahajendelelaga amanyile afume hwa bhasontwa, bhahali nʉ mwoyo ʉgwa hwavwane, bhahalyanga peeka ɨShalye ɨShifinjile, nantele bhahanʼnaabhaga peeka ʉNgʉlʉbhɨ.

Abhantu bhonti bhahamʼmwambɨɨlɨla ʉMʼpepo ʉMʼfinjile, bhahanda ayanje hu njango ɨnjenu, nanshi ʉMʼpepo ʉMʼfinjile sha‑ahabhapiiye.

Lwa bhakhɨɨye ʉmwo, nalinaali lwene lyahafuma izwi afume hu mwanya lya lyahali nanshi ɨhaala ɨngoosi yɨ‑ɨvugula. Izwi liila lyahanyampaana mu nyumba yonti. Bhahalola ɨvintu vya vili nanshi ʉmwoto gwa guhwaha, vyahabaguuhana, vyahabhala, vyahagwa hwa shila muntu. Abhantu bhonti bhahamʼmwambɨɨlɨla ʉMʼpepo ʉMʼfinjile, bhahanda ayanje hu njango ɨnjenu, nanshi ʉMʼpepo ʉMʼfinjile sha‑ahabhapiiye.

Bhahabhʉngaanaga apuute ɨnsiku zyonti mu lubhaga lwɨ nyumba ɨmfinjile ɨya Ngʉlʉbhɨ. Nantele, bhahabhʉngaanaga mu nyumba zyabho alye ɨshalye, na‑alye peeka ɨShalye ɨShifinjile hu mwoyo ʉnʼzelu na hu nseho. Bhahamʼmwamihaga ʉNgʉlʉbhɨ na hubhakhondeezye abhantu bhonti. Ɨnsiku zyonti ʉMwɨnɨ ʉYeesu ahonjezyaga ʉwinji wa bhantu bha bhahafyʉlwaga.

‘Mu nsiku ɨzya hu malishilo nahayihubhapeela abhantu bhonti ʉMʼpepo waanɨ hu winji. Abhaana bheenyu abhasahaala na bhalɨndu bhahayifumyaga ʉkuwi, abhasahaala bheenyu bhahayilolaga ɨndoleshelo, bhope abhagogolo bheenyu bhahayimanyaga ɨlyoli ya Ngʉlʉbhɨ ashilile hu nzozi.

Abhooziwa ɨbha bhonti bhahali nʉ lwavwano, ɨvintu vyabho vyope vyahali mu lwavwano. Bhahakazyaga ɨvintu vyabho, nɨ mpɨɨya zya bhahazyagaga, bhahazigabhanyaaga hwa shila mwoziwa alɨngaane na shiila sha‑ahabhuliiye.

Ʉmuntu wowonti wa‑ahayihunʼnaabha na hunʼsʉʉbhɨle ʉMwɨnɨ, ahayifyʉlwa.’ ”

Isanya lyahayigaluuhana abhe hiisi, gwope ʉmwezi gwahayibha nʼshamamu nanshi idanda. Ɨzyo zyonti zyahayibhombeha, ʉmwamu wa Mwɨnɨ ʉNgʉlʉbhɨ sha wusɨɨle aloleshe pi‑isiku liila igoosi.