Populiarios Biblijos eilutės iš Maluko 2

Dalintis

UYesu pe aapuliike idzo, akuvalongelaga iitigilaga, “Avasiivawa umuvili vasiisakula ukuhelela kwa muyavi-migoda, nda haamu, va vatamwa swe. Luli ewo, sindaadzile mu kuvakemeela avakwiwona vagolofu, nda haamu, avo avakwiwona vanya ndzanangifu, ukuta vamupitukile uNguluvi.”

UYesu pe aluweene ulufuuwo lwawo, akumulongelaga umutamwa iitigilaga, “Muswamu-vangu, úwodziidzwe indzanangifu dzaako.”

Kangi uYesu akuvalongelaga iitigilaga, “ISabato yaaviikiilwe wiimila wa vaanu, avaanu si wiimila wa Sabato.

Avaanu avo viilemwaga ukumufikila uYesu wiimila wa lilugu lya vaanu, neke viinukage nu mutamwa ku likiingʼa, vahodolage pa kwingilila kidonya nu Yesu, vamwisage umutamwa vaawo mu liteefu.

Neke kangi muludzeelage ukutigila, uMuswamuve va Muunu ali nu wutawulilwe wa kuwodza indzanangifu mu nyi umu.” Neke amulongelage umunya liteela atigilage, “Wiime! Tegule iliteefu lyako, uhelelage ku kaaya yaako.”

Luli kwi ulupeefu, ukumulongela umunya liteela ukutigila, ‘Úwodziidzwe indzanangifu dzaako,’ enewuli, ‘Wiime, utegule iliteefu lyako, ugendage’?

Umutamwa uyo iikwimaga, iitegulaga iliteefu lyakwe, iihegaga pa miiho ga vonda. Avaanu avaalundiine apo viidzumaga hiilo, vakumupeelaga indolo uNguluvi viitigila, “Imola ngita idzi tusinaa tulolaga apoono!”