Populiarios Biblijos eilutės iš Maluko 11

Dalintis

Pa ulo ndikuvalongela ndiitigila, fyonda fye mwinyilika pe mwilapangila, mufuuwage ukutigila mwánukiye, fiivedza fyenyo.

Ndakyene ndikuvalongela ndiitigila, ngana umuunu ye avedzaga akukilongela ikidunda iki iitigila, ‘Wiipuke, ukiitoodze mu nyandza,’ atane ukwiganiya mu numbula yaakwe, kangi afuuwage lwe iilonga ukutigila lwihumila, apo luhadza lwilimika wiimila waakwe.

Pe mwikwima kulapangila, mumupyanilage ye avedzaga ye ávaanguwe, ukuta nayu Dadiinyo uva kukyanya avapyanile indzanangifu dzeenyo. [

UYesu akuvalongelaga iitigilaga, “Mumufuuwage uNguluvi.

Neke awulanidzage atigilage, “Lúsimbiilwe mu Wusimbe uWiimike ukutigila, ‘Inyumba yangu yiitambulwaga nyumba ya ndapangilo ku vaanu va nyi dzonda.’ Neke kangi unyeenye múyihambwise ‘manga ya vagonadaasi.’ ”

Avaanu avaalonguwe pa mbunda na avaali mumbele vonda vaahelelaga viiyooya viitigila, “Hosyana! Áfuunyiliilwe ye iikwadzila mu litaawa lya Mutwa Nguluvi!

Wúfuunyiliilwe uwutwa wa dadiisu uDawudi uwiikwadza! Hosyana, uNguluvi ye ali kukyanya!”