Populiarios Biblijos eilutės iš Yohana 2

Dalintis

UYesu aahuufiidze ikimanyilo iki ku wudzenge wa Kana ya mu Galilaya. Wugendela wa kimanyilo ikyo, ikyali kya kutala, aawoneesiidze indolo dzaakwe, avanyigendwa vaakwe navo vakumufuuwaga.

UYesu akumuhigaga iitigilaga, “Yuuva, kye kiki ukuundongela ewo? Umusika gwangu gusinaa gufika.”

UYesu akuvalongelaga avalimila-vangi avo iitigilaga, “Mumemye ululenga mu ndziilo idzi.” Navo viimemyaga ululenga mu ndziilo idzo ukufikila pa mulomo. Neke uYesu avalongelage atigilage, “Lino munege, mumupeele umukomi va lukeelanilo.” Navo viilimaga ewo.

UYesu akuvalongelaga iitigilaga, “Mumamule itembeli iyi, uneene ndihadza ndiidzenga mu figono fidatu.”

UYesu pe adziweene idzo, iivilasaga indegesi guvedze mukopodzi, akuvadagaga vonda avaagudzaga mu lipaala, pamwinga ni senga ni ngʼolo. Iikunamulaga ifitagala fya vafundza-magoobeli, nu kutaagasa amagoobeli gaawo. UYesu akuvalongelaga avaagudzaga ingundya iitigilaga, “Muhedze apa ingundya idzi! Mutane ukuhambusa inyumba ya Daada ukuvedza ligulilo!”