Populiarios Biblijos eilutės iš Mataibo 11

Dalintis

Daidi potïtïdai ïgai ïpï, —Gimibïrai dai gin uraba bïïxkatai aapimï ix makïdï ka ibhiokoñi, aapimï ix makïdï kabami gïn aajagïi ïïgida ïrhiditai go naana maaxi sïïrhikami ix makïdï oidaga tudu. Gimibïrai aapimï ix makïdï ïmo bïïtïkami kusubi dukai taata gobai. Aanï gia kïïga gïn iibhïxtudamu gïn iibhïdaga— itïtïdai.

—Bhïibïrai go tïgibudagai ix makïdï gïn tïtïïgidamu aanï saidi podukai ïr gin mamaatïrdamigakagi aapimï. Aanï mai gïdukïdï gin ïrhidi buidïrï jaa dai kïï tuiga aanï tudu.

Dai gï agai xi maatïkagi aapimï sai mai xijaiga ix makïdï gïn tïanïiña aanï. Mai bïïtïkan taadaga gobai tudu— itïtïdai.

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïr ix makïdï kïïga maatï Diuxi dai jaa gia cho— itïtïdai.

Daidi potïtïdai Suxi go ojotosadï Juan, —Mïïka abïr aagida go Juan ix tumaxi nïidi aapimï. Aagidabïrai ix tuma buayi aanï tudu. Podukai maatïkamu ïgai sai gia ïr otosadï aanï Diuxi ix makïdï nïnïraka aapimï— itïtïdai. —Aagidabïrai tudu sai aanï ka duduadi odami ix makïdï mai nïayitadai dai xibi ka kïïga nïayi. Dai ix makïdï gogobikïitadai ka kïïga aimïrai. Dai ix makïdï biakatadai lepra ka kïïga duayi ïpï. Dai ix makïdï mai bhaigakana ix kaïkagi ka kïïga kaï ïpï. Dai aagidabïrai ïpï sai ka duduakaturhi aanï koidadï. Dai sai aanï aiturhiña go bhai ïrhiaragai aatagi go soititigami. Podukai maatïkamu go Juan xorai aanï— itïtïdai.

Kïïga abïr gïn tïgito kaïka ixtumaxi gïn aagidi aanï tudu— itïtïdai Suxi go odami.