Populiarios Biblijos eilutės iš Met 8

Dalintis

Nti a nga wô'ô mbamba ényum, a Nti a nga jô e nleme wé été na: Ma ye bo te beta yo'é si amu môta binam, amu nleme môt ô ne nkômesan mfa'a *abé aso mongô; a ma ye bo te beta jiane jôm ése é vee, avale me nga bo. Nté ôse si ja ye tabe, mbéan a nkôane memvoñ avep a ayôñ, ésep a ôyôn, *môs baa alu bia ye bo te man.

Noé a nga lôñe Nti ata'a metuna'a, a nga nyoñe ngabe ya betit be ne *mfuban, a nyô ya anon e ne *mfuban, a a nga ve mimvean mi ne ngumba ata'a metuna'a yôp.

Zambe a nga simesane Noé, betite bese a biyeme bise bi mbe a nye e *ark été; Zambe a nga bo na évuñulu é lôt e *si nyô, a mendim me nga sis.

Mamengô'é, zum é nga beta bulane be nye, é bili kaé ôlivié a nga kolé e nsoñe wé. Nalé ate Noé a nga yeme na mendim me siseya e *si nyô.