Populiarios Biblijos eilutės iš Matìyò 24

Dalintis

Icheg ne inug izəg biri taŋ nɔʼ ane nyumə̀ we, chəyi bəd nɔʼ nɔʼ biri ywìri ya kɔ̀ŋɔ̀ mə̀mbin icheg ne mbɔb yaya bè kɔ̀ŋɔ̀. Si ya gha, wə̀d ne nyìʼi ghò pè ane ìnwḭ, Ŋwiye biri pumni aməd.

Mbi biri chètì ikən chɔm imbə̀ʼ anug ìfɔ̀n ikaŋ inga isəg ijìm, ni gha bəd məjìm zug. Anyumə̀ ne mbi fə chètì ikən chɔm gho̰ inga isəg ijìm, nyumə̀ ne isəg biri nwḭ̀yḛ̀ biri pè.”

Mbə̰ biri zug gha iben mbe màʼà ibid, bə̀ ywìrì zug gha iben mbe kə̀bə̀ ni màʼ ibid. Imbə̀ʼ mbə̰ bɔ awən. Inug icheg mbe biri dù, si ya gha, kayi kiri nyumə̀ ne isəg biri nwìyḛ̀ we.

Aben biri nɔ̀ʼ màʼ ibid tì aben ndəŋ. Aben ne ifɔn we sàʼa biri bə màʼ ibid tì aben ndəŋ ne ifɔn we sàʼa. Njèg ka ka biri nyi iben iben. Ìseg biri ghùd isiŋi isiŋi. Inug mbo̰ ijìm biri yaʼ icheg ne àyi we ko ni zug tibuʼ anyumə̀ ne we nɔ̀mbɔ.

Ikaŋ àbɔ̀ŋɔ tì isəg biri chè, si ya gha, chəyi ìmə ìngam biri nɔ̀ʼɔ chè ako.”

Mbə̀ ghi swe awən imbə̀ʼ icheg ne bəd nɔʼ nɔʼ biri yeʼe pè niŋ ìmə ikum se ghà gha, ‹Mo ya wə̀d we ne Ŋwiye zɔ̀ʼi.› Mbɔb biri ghà ane tàmbi bəd nɔʼ nɔʼ.

Nyùmə̀ we mə̀ kòʼ, bəd ìpàb biri ya chɔ̀ʼɔ ìmbən ibɔʼì ighog, gwìtè awən nàʼà mbi zwete. Bəd inga iben ijìm biri pàb awən imbə̀ʼ amə. Ibḛfiŋ abə bəd nɔʼ nɔʼ biri bɔd. Mbɔb biri se tàŋa mənaŋ igun mə̀mbin bə̀ pàbà mə̀mbin. Nyùmə̀ we mə̀ kòʼ, bədkə̀n nɔʼ nɔʼ ne ghà inug ako biri dù. Mbɔb biri tambi bəd nɔʼ nɔʼ.

Yeso ya ywìtì abə mə̀mə̀nənùg məd gha, “Mbə̀ chughi ikyèʼi bə̀ ghi we awən imbə̀ʼ wə̀d mɔ̀ʼɔ nɔ̀ʼ tàmbi awən.

Icheg ne ze yaʼi anìŋ, mbə̰ mənyìʼ chùʼri nyɔd imbə̀ʼ icheg ne Ŋwan Wə̀d biri yeʼe ane nyùmə̀ ne chəyi mbə̰ mbe ghɔ̀mɔ̀ aməd.”

Ane, mbə̀ pati awən bə̀ chùghi ikyèʼi imbə̀ʼ icheg ne chəyi mbə̀ kyeri aneg ne ìwən Anɔŋisəg biri yeʼe .

Yeso ya chè imbìghè ghà abə mə̀mə̀nənùg məd gha, “Chəyi wə̀d mɔ̀ʼɔ ne kyeri aneg ze kə̀ nyùmə̀ we ne inug mbo̰ biri dù, ka bèyi mbè angirə̀ ikaŋ àbɔ̀ŋɔ kə̀ Ŋwan. À ya məyi Mbaʼ məd kyeri aneg ze.

À ya icheg ne ze biri yaʼ imbə̀ʼ icheg ne mə̀kristo ako biri yeʼe, wə̀d imɔʼ imɔʼ abɔ̀ʼ inɔb biri se ghà gha, ‹Mo ya wə̀d we ne Ŋwiye zɔ̀ʼi.› Bədkə̀n ne ghà inug ako biri bə yeʼe. Mbi biri ghì iyeti inug kyen kyen ni tambi bəd. Mbɔb biri kə̀b ni gha ze mə̀ chwi mbi tambi fɔrɔ bèyi bəd mbe ne Ŋwiye ya fə chɔʼi.

Ikuchèg ne inug yaya dùwə̀ inga ineg mbe abə Nwa̰, à ya bə̀ ane ne ze biri yaʼ ane nyùmə̀ we ne Ŋwan Wə̀d biri yeʼe . Mbə̀ŋ ya no inga nyùmə̀ we abə Nwa̰, mənib sweg jəg isəg ijìm. Inga ineg mbe ne mbə̀ŋ ze ya se zàmbi no, bəd yaya jə̀ghə, no, nàma, bə̀ nàʼà bɔn ane inam anene pè ane aneg ze ne Nwa̰ ya nyi inga abaŋ igyi. Chəyi bəd mbe ya kyeri anug ne biri dù pè ane nyumə̀ ne mbə̀ŋ ya no, mənib sweg bèʼì awɔb mbɔb məjìm. Aŋa ya icheg ne bəd igun isəg biri bə yaʼ anyumə̀ ne Ŋwan Wə̀d biri yeʼe .