Populiarios Biblijos eilutės iš К Римлянам 16

Dalintis

Кияӷныӷым ныкыхмылъылитилӷӣм қантаӷақун кагимлъықа̄ Туӷныӷақ итыгаҳпыси асиңани. Атаныҳпут Иисус Христос наңлъыхтаӷли лъпысинун.

Ухпықа̄лгутымни, қылӷамси кылыңасқылъюси тама̄куның а̄фқӯтыстикаюгның, тунутыстилӷӣның югыт ухпықилъҳитның, кипулъхина̄лӷӣның апыҳтӯсяның лӣткаҳпысиның. Иқитңатык тама̄куның.

Югыт таўатын пикаюгыт қыпҳа̄тңунӷита̄т Христос Атаныҳпут. Та̄ўаңинаҳақ лъмың катам ыфқуқыхкаҳӣнатың пӣқӣт. Апыҳтуӷиныӷмыхни акузитыҳлъюхўа̄т атуқақӣт, усюқӯҳтақӣтлъю югыт пӯҳналюки пӯҳсюгумалӷӣт.

Усюқылътыху Кияӷнық! Лъңан айыпсюгиҳсяӷьяқлъыгўӣ ухпықилъыси Пинилӷӣтхун Уңипатхун Иисус Христосымың аюқылӷӣмың уңипақумаңинаӷақыхкымнун югнун. Та̄наңӯқ аксяқыхкақ уңипақ Кияӷныӷым қайвиҳсимаңитка̄ има пӣнлиӷьюха̄лъҳаның нунам. Иўырңа ма̄тын, пӣнлыӷилңӯм Кияӷныӷым қайвиҳсимӣ Пинилӷӣт Уңипат игақулъҳитхун ӯкналиқистыт. Қылӷусимӣ Пинилӷӣт Уңипат лӣтысқылъюки югнун нунатаҳа̄ни тамаҳа̄ни. Таўатын пика̄гуқ лъңитнун ухпықысқылъюнилъю, қа̄ткысқылъюнилъю. Лъңина̄гуқ Кияӷнық, пыҳқинылӷӣ сямун тамаҳа̄нун. Югыт усюқлъитху қӯнпырухлъяк Иисус Христосыкун! Аминь.