Populiarios Biblijos eilutės iš К Римлянам 14

Dalintis

Қаюҳлъяк Кияӷныӷым Атаныҳпагулъҳани сяңўа̄т ныӷыхкапутлъю, мыӷыхкапутлъю мыгнунанӷитут. Укут мыгнунаҳтут: ылъқуӷутңалъық, ныкыхмылъық, қуялъықлъю; та̄кут Аглыӷналӷӣгның Таӷныӷагның пиңӯт. Та̄кут атуқлъюки қыпҳа̄тилӷӣм Христосымун, ыфқуҳлъықа̄ Кияӷнық, итагнақылъықа̄тлъю югыт.

Уңувакумта, Атаныӷмун уңуваңӯкут. Туқумакумта, Атаныӷмун туқулъықукут. Ынка̄м уңуваяӷңа̄мта налиӷмың туқуяӷңа̄мта Атанӷым пикӣлъю.

Ынка̄м атӯлътыху ныкыхмылъыңыстияҳқақ, кайымутутылъталъю ухпылъыҳтуҳтаӷаӷналюта.

Ынка̄ңам та̄қылъта нанқихтунъыӷмың. Йыӷлыги, умьюгапут ата̄сӣҳтылътыки ухпықа̄лгутфут на̄хтыстыфқа̄н налиӷмың сыӷлыҳқыстыхпына̄н пилътыху.

Акузитни Игақыхкани игақңа̄қ: «Атанық пӣқ, қаюҳлъяк хўаңа уңувалӷӣңа Кияӷнық, тамаҳаӷми ю̄к сыгысқуҳқӯлъықуқ хўаңамнун, тамаҳаӷмилъю югым усюқылъықа̄ Кияӷнық». Ынка̄м қамахлъюта Кияӷныӷмун апыӷьяҳқақаҳпут сялъыҳпут, сяңанлъю таўатын пиматфут.

Упуӷатыху ю̄к ухпықилъыҳқыста̄ҳақ акулыхпысинилңуқ. А̄ҳтӣра̄ӷусиқыхпына̄н сяңўа̄ ухпықыхка̄ ылъқуӷутңатаңа налиӷмың анахутңатаңа.

Кинаңунилютын пӣқсин нанқихтилӷӣ китум қыпҳаҳтыңаның? Қыпҳаҳтым пилӣтистыңина̄н нанқихлъықа̄ пинитун пиматаңа налиӷмың сыӷлытун пиматаңа. Атанӷым қыпҳаҳтыңа пинитун пилъықуқ қаюҳлъяк Атанӷым каюсиӷьяқлъыгукаңа пинитун писқылъюку.