Populiarios Biblijos eilutės iš От Марка 13

Dalintis

Хўаңа апалъюқлъюңа қамахлъюни югым угумӣлъықӣси. Иўырңа кина алңунак нуқынъыҳтуқақ кынлымун югулилъыңьяҳқа̄гуқ».

Кылыңатык, ўа̄кнаниҳпынаси қаюҳлъяк налъюкаҳси қакун тагилъыҳқа̄.

Тугулюси агля̄скаңиси нанқихтивигмун сюмыҳтаӷақыстаҳпынаси акузиткаҳқамың. Пилъыҳқақ ка̄тақыхкан акузӣқна̄ҳтуси писқылъыҳпысистун, қаюҳлъяк лъпысиңуна̄нӷитут акузилӷӣт, Аглыӷналӷӣк Таӷныӷак лъпысигун акузӣқна̄ҳтук.

Қилягалъю нуналъю авӣӷусяҳқа̄гук, иўырңа хўаңа акузитынка авӣӷусяхқа̄нӷитут».

«Иўырңа китум алңунак налъюка̄ нани аӷныӷмилъю, афлъюмилъю тагияҳқа̄таңа. Талўа яқулгыт қилягмылңӯт налъюка̄т, Иӷныӷымлъю налъюка̄, Атаңинаҳа̄м лӣсимака̄.

Нагақуқуфсики пилъюўат, акусқаҳта̄ткылъҳытлъю пилъюўат, алиңыхпынаси. Тама̄на пияҳқа̄гуқ, сялин иқухнақңунӷитуқ.

Ынка̄м лъпыси кылыңатык, қаюҳлъяк налъюкаҳси қакун мыңтыӷалык утыӷниӷьяҳқа̄таңа. Ўалъю̄млъю тагӣқлъи иӷивгаӷми, унугым қука̄ни, аҳтаӷақыстами, налиӷмың уна̄ңулюку. Ынка̄ңам кылыңатык лю̄рақ ка̄тқаҳтыкуми қава̄люси аңунаюкаңиси. А̄пқыхка уна лъпысинун, тамаҳаҳлъяганун пиңўа̄қа: Кылыңалюси!»

Нунам рамкыңи пилъюўутулъықут, нунамлъю атаныҳпагулъҳи сюӷуга̄лъықут, нунатлъю нани алңунак туйыпыҳтаӷақлъютың пияҳқа̄гут, нықаңисяхлъягақлъюнилъю пияҳқа̄гуқ. Қамахлъютың тама̄кут аӷнам иӷниюкысталъҳатун аюқут.

Пинилӷӣт Уңипат уңипақсяҳқа̄гут тамаңанун рамкынун сивуңани иқухтылъҳым.

Угля̄пихлъыӷӣ тагияҳқа̄гуқ атуқлъюку а̄тқа, хўатын пӣқлъютың: “Лъңаңӯңа!” Ынка̄м угля̄пихлъыӷӣ пӯҳқуӷьяҳқақа̄т.

Иўырңа лъпыси кылыңалюси. Тугулюси агӷистынун агля̄лъықӣси. Синагогани кахсягмихлъықӣси. Хўаңа апалъюқлъюңа ныкывылъықуси сивуңитни иглыӷутистытлъю, умӣлгытлъю уңипаҳтыңулюси Пинилӷӣның Уңипаның.

Христосысиӷўа̄ӷытлъю ӯкналиқистысиӷўа̄ӷытлъю алъхыҳтӯсяҳқа̄гут. Алъя̄ҳлъюхўаҳтиҳлъяга̄таӷьяҳқа̄гутлъю, сяӷӣӷанаҳқыҳлъяга̄таӷьяҳқа̄гутлъю пӯҳқуӷналюки югыт, талўа Кияӷныӷым накмикыхкӣ пӯҳсяқлъыгукумыхтыки пилъықӣт.

«“Киңуңаның та̄м сыӷлылӣлъыҳлъягым сиқинық мамлыхлъықуқ, танқиқ ниӷугунъаниҳлъықуқ, иӷалықыта̄ӷыт ифкақӯлъықут қилягамың, аҳтуӷьяҳқа̄нӷилъҳыт қилягамылңӯт иглыӷалъҳит алңунаҳқыслъықут”.