Populiarios Biblijos eilutės iš От Матфея 24

Dalintis

Сыӷлық нулям аңталяңаның апалъюқлъюку алъюлъютың югыт пиниқинаниҳлъықут. Иўырңа кина алңунак нуқынъыҳтуқақ кынлымун югулилъыңьяҳқа̄гуқ.

Укутлъю Пинилӷӣт Уңипат Кияӷныӷым Атаныҳпагулъҳаның аюқылӷӣт уңипақсяҳқа̄гут нунатаҳа̄ни тамаҳа̄ни рамкыңитнун нагақӣсқылъюки. Та̄хкын нуна иқухлъықуқ».

Нагақӯлъықуси пилъюўаның, акусқаҳта̄ткылъҳитныңлъю пилъюўат; алиңыхпынаси қаюҳлъяк тама̄на пияҳқа̄гуқ. Иўырңа сялин иқухнақңунӷитуқ.

Нунат югит пилъюгутулъықут, атаныҳпагулъҳытлъю пилъюгутулъықут, нани алңунак нықаңисяхлъяхлъықуқ, нунат увылыхтаҳлъяхлъықут. Қамахлъюни тама̄на аӷнам иӷниюкысталъҳатун аюқылъықуқ.

Қилягалъю, нуналъю авӣӷусяҳқа̄гук, иўырңа хўаңа акузитынка авӣӷунъа̄нӷитут».

Қаюҳлъяк угля̄пихлъыӷӣ тагияҳқа̄гуқ атуқлъюку а̄тқа, хўатын пӣқлъютың: “Хўаңа Христосыңӯңа”, пӯҳқуҳта̄яҳқақа̄тлъю юлӷун.

Та̄хкын тама̄на пималюку югыт тугулъықӣси, амьюқыта̄ткылъықӣси, туқулъықӣсилъю. Нунатаҳа̄н тамаҳа̄н рамкыңан угумӣлъықӣси хўаңа апалъюқлъюңа. Ынка̄м Угля̄пихлъыҳӣми ухпықнаниҳлъықа̄тңа, увыҳпагутусягулъықут, угумӣсягулъықутлъю. Та̄хкын ӯкналиқистысиӷўа̄лӷутыт тагилютың пӯҳқуҳлъықӣт юлӷутыт.

Иисусым кӣмсиқӣ: «Кылыңалюси, китумун алңунак пӯҳтыстыхпынаси.

Ынка̄м тама̄кын апалъюқлъюку лъпысилъю апыӷӣҳсяӷлюси қӯнпың, қаюҳлъяк Иӷныӷа Югым тагияҳқа̄гуқ ўа̄кынӷилъҳаҳлъюси».

Ынка̄ңам кылыңалюси, қаюҳлъяк налъюкңўа̄ӷаҳси нани аӷныӷми Атаныҳпыси тагилъыҳқа̄.

«Китум алңунак налъюка̄ та̄м аӷныӷым афлъюңа қакун ка̄сяҳқа̄таңа. Талўа қилягмылңӯт яқулгыт налъюка̄т, Иӷныӷымлъю налъюка̄, Атаңинаҳа̄м лӣсимака̄.

қаюҳлъяк Христосысиӷўа̄ӷытлъю, ӯкналиқистысиӷўа̄ӷытлъю тагилъықут. Алъя̄ҳлъюхўаҳтиҳлъяхлъықут, сяӷӣӷанаҳқыҳлъяхлъықутлъю пӯҳналюки югыт, талўа Кияӷныӷым накмикыхкӣ пӯҳсяқлъыгукумыхтыки.

Катам тама̄ни Нойем кияҳтылъҳани, югыт таўатысяҳқа̄гут Иӷныӷан Югым тагилъыҳқа̄ни. Тама̄ни аӷныӷни, сивуңани улывым югыт ныӷақлъютың, мыӷақлъютың, ныңуӷутақлъютың аюқыхкат кынляңа таўавык аӷныӷмун Нойелъю итылъҳитнун ковчегымун. Налъюкыхка̄т натысяҳқа̄таңа кынляңа улывылъыӷмун, ынка̄м қамахтыңъўа̄ӷлютың туқуляӷа̄ткат. Таўатыҳпигақ Иӷныӷа Югым тагикан, налъюкылъықа̄т натысяҳқа̄таңа.