Populiarios Biblijos eilutės iš К Ефесянам 6

Dalintis

Нықамиклъюку, пилъюўа̄ңунӷитапут югыт. Итупилъ пилъюўа̄ңўа̄пут иглыӷутилӷӣт, аҳтуӷьяҳқа̄нӷилъылгыт, иглыӷутилӷӣт нунам мамлыганың, сыӷлыӷытлъю туӷныӷа̄т қиляганилңӯт.

Ӣўлың юӷаҳтык Таӷныӷам маӷьяҳқӯтылъҳакун. Атуқлъюки алъя̄ҳӣна̄т юӷалъҳыт, а̄пнӣҳтыклъю Кияӷныӷмун. Тама̄кын апалъюқлъюку кылыңалюси, ӣлъқаюхпынаси. Ӣўлың юӷа̄ткылъюки қамахлъюки Кияӷныӷым юги.

А̄тыкык ӣңуна̄хкынка акулӷа̄ӷык Кияӷныӷым ята̄ҳқыхкакык лъпысинун. Та̄хкын тыңвимун ныкывӷасяҳқа̄ҳлъықаси Туӷныӷа̄м пӯҳтилъҳи.

Тама̄кын апалъюқлъюку а̄тыкык ӣңуна̄хкынка акулӷа̄ҳқык Кияӷныӷым ята̄ҳқыхкакык лъпысинун! Ынка̄м сыӷлылӣӷым аӷныӷани пилъюўаӷьяқлъыгулъықаси аңуягым сюӷугалъҳи. Та̄хкын пилъюўаныӷмың апыӷӣқуфси, лъпыси паниның ныкывӷаңулъықуси.

Тама̄кут ся̄ӷўитхун, атуқитыху ухпықилъық амӣгиӷаҳта̄сӣлюку қа̄мсяҳқа̄люки кумаңалӷӣт а̄йгуңи Туӷныӷа̄м. А̄тыху югулилъық на̄сқуӷӣта̄люку, Таӷныӷамлъю сявихпага, Кияӷныӷым акузитка̄.

Ынка̄м ныкывӷамаңинаҳтык. Ипапилъық тафсӣтыху, ылъқуӷутңалъықлъю сякимагӣтӣтыху. Пинилӷӣт Уңипат ныкыхмылъыӷмың аюқылӷӣт, камӣтыки.

Киңулиқ апыӷьяҳқақа унаңӯқ, икнақылъыңитык Атаныӷмың, аҳтуӷьяҳқа̄нӷилъыҳлъяганыңлъю.

Акузитни Игақыхкани хўатын Кияӷнық қылӷика̄гуқ: «Қӯлваӷлюку атанлъю, на̄нлъю». Та̄на қылӷусяқ сивулӣгуқ акықусялык. Хўатын Кияӷнық пика̄гуқ: «Кияҳта̄лъҳын итагнаҳлъықуқ, та̄клъюкулъю кияҳлъықутын нунами».

Таӷнуҳаӷни, қа̄ткулъюси аңаюқаҳпысинун Атанӷым писқысюлъҳатун лъпысинун. Таўатын ылъқуӷутңа̄қ.