Populiarios Biblijos eilutės iš 1е Иоанна 3

Dalintis

Таӷнуҳаҳаӷни! Пиниқияҳқа̄нӷитукут акузитыра̄ӷинаҳтыхунлъю, акузилъымтыхунлъю. Йыӷлыги пиниқилъта ипапиҳқылъюта наңаӷнымтыхун.

Хўатын ысҳа лӣсимакыхкыфут пиниқылъық сяңутаңа: Христосым тӯнылъҳакун уңувалъыни хўаңкунъун. Ынка̄м хўаңкуталъю тӯнылътыки уңувалъыпут ухпықа̄лгутымнъун.

Ысҳақаҳтыхуқун Атам пиниқималъыҳлъяга хўаңкунъун, авақутақнӣқӣлъю лъңанун, ипа авақутақӣлъю. Тама̄кын апалъюқулюку нунам юган налъюкӣлъю қаюҳлъяк налъюкыхкаңат Кияӷнық.

Кина алңунак сыӷлыҳқумаңиналӷӣ Туӷныӷа̄м пика̄ қаюҳлъяк Туӷныӷақ сыӷлыҳқыңъулӷӣ има пӣнлиӷьюхўа̄лъыӷмың. Иӷныӷа Кияӷныӷым алъхықа̄гуқ уна апалъюқлъюку, на̄фқынъалюку Туӷныӷа̄м қыпҳақа̄.

Кина алңунак таӷнуҳа̄ Кияӷныӷым сыӷлыҳқумаңинӣгатуқ қаюҳлъяк Кияӷныӷым наңаӷныӷа лъңанилңуқ; қаюҳлъяклъю Кияӷнық Атакыхкаңа, ынка̄м сыӷлыҳқумаңинаӷна̄нӷитуқ.

Китум алңунак на̄маӷми кияҳта̄ӷым ысҳаӷлюку ухпықа̄лгутни аклъюмалӷӣ наңлъыкынӷилъкумигу, натынңам Кияӷныӷым пиниқылъҳа илюңанилъықа?

Китум алңунак қа̄ткыхкумики Кияӷныӷым қылӷӯсӣ кияҳтыңъӯқ Кияӷныӷми, Кияӷнық лъңани. Хўатын ысҳа лӣсимакыхкыфут Кияӷныӷым хўаңкунъитылъҳа: Таӷныӷагныкун тӯныхкамикун хўаңкунъун.

Хўатын лӣсимаксяҳқақапут Кияӷныӷымлъю авақутӣ, Туӷныӷа̄млъю авақутӣ: кина алңунак ылъқуӷулъюни пиңигалңуқ налиӷмың угумикиңалӷӣ юлгутминың Кияӷныӷым авақутақынӷита̄.

Уңипақ нагақуқаҳси пӣнлиӷьюхўа̄лъыҳпысиның унаңӯқ: пиниқутусяҳқа̄гукут.

Ухпықа̄лгутымни, сяӷӣӷаюхпынаси нунам юган угумикыхкаңиси.