Populiarios Biblijos eilutės iš काम 4

Dalintis

“ईसु क सिवाय आपानै पापऊँ कोईबी कोनी बचा सकै। अर इ धरती प अंय्यां को दुसरो नाम आथई कोनी जखो मिनखानै बचा सकै। क्युं क परमेसर मिनखानै बचाबा ताँई ईसुनैई भेज्यो ह, अर बोई आपानै बचा सकै ह।”

बाकै अरदास करताई बा झघा जठै बे भेळा होर्या हा हालबा लागगी अर बे सगळा पबितर आत्माऊँ भरगा अर हिमत क सागै परमेसर का बचनानै बोलबा लागगा।

इब परबु जी थे गोर धरो अर थारा दासानै हिमत क सागै थारा बचनानै सुणाबा की सक्‍ति द्‍यो।

ओ बोई ईसु ह जिकै बारां म सास्तरा म मंडर्यो ह की, ‘ओ बो भाठो ह, जिनै मिस्तरी ख्याई जोगो कोनी जाण्यो, पण बोई कूणा को भाठो होयो।’”

जद पंचानै ओ बेरो पड़्यो क पतरस अर यहून्ना दोन्यु कम पढ्या-लिख्या आम आदमी हीं जणा बे बाकी हिमत देखर ताजूब म पड़गा। अर पाछै बानै बेरो पड़्यो क अ दोन्यु ईसु क सागै रेह्ता हा।

बिस्वास्या की टोळी एक हिया अर एक बिचार की ही जोक्यु बाकन होतो बे बिनै आपसरी म बाट लेता हा, अर कोईबी तेरी मेरी कोनी करतो।