Populiarios Biblijos eilutės iš DEDI 32

Dalintis

Napaya na tau nuna, “Na tamumu nda Yakupu-ayapa. Nyumu mu-paudulu danya i Ala lupa dàngu tau, nyumu matalu; ba tuna Ihirailu-yaka na tamu,” wànanya.

Napanii na tau, “Pulingga; ba hungga-amana-ka na lodu,” wàna. Nahema i Yakupu, “Nda kupuli-anggau, hinggilu-na jàka mu-pakanyuru-ngga,” hi wàna.

Tàka nyuna wiki ndàdiku meha-nanyapa. Ka tàka-nanyaka na haàtu na tau mini na ma-paudulu dànya i Yakupu lundu mareni hariina.

Tunaka nu panii-nanyaka i Yakupu, “Nyungga ku-pahàmburu mata dànyaka i Ala, dàngu luri bia-nggunyapa,” wàna. Jia-duyaka na pangia nuna na-patamu-nya Panialu.

Nuna na tau ba napàda-nyaka ba ràkangu nda taluna nu la pa-udulungu, làndahu-nanyaka na kinjiru-na i Yakupu, hi lupa na-pahili na kawohu-ku kinjiru-na.

“Nggamuya na tamumu?” wàna na tau ba na-paàrangu. “Yakupu-ka,” wàna i Yakupu.

Napaya i Yakupu, “Ka nyumu MIRI, peka-ngganya na tamumu,” wànanya. Tàka nahema nuna na tau, “Nda nggàra muihi wàngua bau paàrangu nggamuya na tamunggu!” wànanya. Ka pa-kanyuru-nanyaka i Yakupu.

Nda ràka-ana duku MIRI la pangera hàlanya na mbuhangu-mu dàngu na tuturu-mu na pambàda paita-mungga. La rehi lakunggu àmangu ba ku-palaya na Luku Yorundangu, nda nggàra-a pangàndi-nggu hinggilu-na na tokungu-nggu. Nàhu ba kubeli dua juru-ngguka.

Lundu nàhumbu da wàla wuanai Ihirailu nda ningu mabihu pangangu tolu banda ma-kamburu-nya na kawohuku kinjiru-na, nadu ba pa-làndahu weli kinjiru-duya i Yakupu.

Tunaka nu ka hamayangu-nanyaka i Yakupu, “Ou Ala, na palumu-na na bokunggu i Ambarahàmu dàngu na amanggu i Ihàku, patingi àrungga! Nyumu MIRI ma-paràhangga pabeli la tananggu dàngu la nua kalembinggu. Dàngu Nyumu MIRI ma-panjanjingu la pa-palànyapu pahàmu-nya mbuu ndàbana ndumanggu nyungga.

Ku kamahi weli etinggau MIRI, pamara àruka welingu la ayanggu i Ehaü. Ku-mangàdatu napa hi mainanya pa-nàhaku bia-kama la papamàu hàla-kama, hamanai da kawini da anakeda wànggu.