“Ta za Musa taoma zairi Adakam Zi pormamademes uu benes panimnok emabadakam mamnak batomnu. Za uu baju zironok azumoma baemarleszer, arma piziri aemaremes. Ere pok pai eomemes aki kokosa uu ‘Selamat,’ tedomades ere dudes uu nakam panimnok bafermabomneszer, emaboremes. Ere e uu zaroaba zemes tem amon farutuka ememese, ere di diemese, panimnok aki bazebereszer emaboremes. Ere za uu fisim tabes a pok edom kebempimamera ere pin fodua ememese, ere e uu pok Allah ön öaboremese, padefaöet nakam adakam aosibim ehmemes. Allah e uu pokbi ditnok atedomnamer,” ini zen.