Populiarios Biblijos eilutės iš Naanearü ügüchiga 45

Dalintis

Natürü tama chanaxwa̱xe i penaxĩ̱xãchiãẽtanü rü pegüchitama pexaie naxca̱x ga yema chomaxã nax petaxegüxü̃. Yerü Tupana nixĩ ga woetama pepe̱xegu nua choxü̃ mucü nax tama taiyamaxã peyuexü̃ca̱x.

Rü ngẽmaãcü Tupana nixĩ i ñaa nachicawa choxü̃ mucü, rü tama nixĩ i pema yixĩxü̃ i nua choxü̃ pemuxü̃. Rü nüma nixĩ i nua choxü̃ namuxü̃ nax Faraóü̃arü ucu̱xẽruxü̃ chixĩxü̃ca̱x, rü guxü̃ma i napatacüã̱xmaxã ichacuáxü̃ca̱x, rü ñu̱xũchi Equítuanearü ãẽ̱xgacü nax chixĩxü̃ca̱x.

Natürü Tupana nixĩ ya pepe̱xegu choxü̃ imucü nax ngẽmaãcü tama taiyamaxã peyuexü̃ca̱x rü íyaxügüxü̃ca̱x i petaagü i ñoma i naanewa. Rü ngẽmaãcü tama nagu íperüxĩnüeyane rü Tupana chaugagu pexü̃ namaxẽxẽxẽ.

Natürü ga Yúche rü naenexẽgüxü̃ ñanagürü: —¡Ẽcü nua chauxü̃tawa pexĩ! —ñanagürü. Rü yexguma ga yema naenexẽgü rü naxü̃tawaama naxĩ. Rü nüma rü ñanagürü nüxü̃: —Choma nixĩ i peenexẽ ya Yúche chixĩxü̃ ga pema Equítuanegu chomaxã petaxegüxü̃.

Rü ñu̱xma rü marü taxre ya taunecü nixĩ nax taiya ngúxü̃ i ñaa nachixü̃anewa. Rü ñu̱xma rü 5 ya taunecüama ínayaxü i nagu taxuxü̃táma i nanetü rüxüxü̃ ega woo itoegu.

Rü ñu̱xũchi ga Yúche rü naenexẽgüxü̃ ñanagürü: —Choma chixĩ i Yúche. ¿Rü tamaxü̃xü̃ ya papa? —ñanagürü. Rü nüma ga naenexẽgü rü poraãcü naba̱i̱xãchiãẽgü, rü taxuxü̃maama nanangãxü̃güéga.