Populiarios Biblijos eilutės iš Naanearü ügüchiga 26

Dalintis

Rü yéma ga Tupana rü Ichaáca̱x nango̱x rü ñanagürü nüxü̃: —¡Taxṹ i Equítuanewa cuxũxü̃! ¡Rü ngẽma choma cumaxã nüxü̃ ichixuxü̃gutama rüxã̱ũ̱x, rü ñaa nachixü̃anewatama nangẽxma! Choma rü tá cumaxã changexma, rü tá cuxü̃ charüngü̃xẽxẽ, erü cuxna rü cutaagüna tá chanaxã i guxü̃ma i ñaa naane. Rü ngẽmaãcü tá chayanguxẽxẽ ga yema uneta ga cunatü ga Abraáü̃maxã chaxueguxü̃.

Rü tá chayamuxẽxẽ i cutaagü, rü ñoma ẽxtagü ya daxũwa mucürüxü̃ tá nixĩ nax namuxũchixü̃. Rü tá nüxna chanaxã i guxü̃táma i ñaa naane. Rü naétü tá cutaagügagu nüxü̃ charüngü̃xẽxẽxü̃ i guxü̃ma i nachixü̃anegü i ñoma i naanewa ngẽxmagüxü̃. Erü cunatü ga Abraáü̃ rü chauga naxĩnü rü nayanguxẽxẽ ga yema namaxã nüxü̃ chixuxü̃, rü chorü mugü, rü chorü ucu̱xẽgü, rü chorü ngu̱xẽẽtaegü —ñanagürü.

Rü yexguma ga nüma ga Ichaá rü yema nachicaarü yáxü̃wama naxũ. Rü yéma nai ga puchu nanaxü. Rü gumáca̱x tama nügü nadai. Rü yemaca̱x ñaxü̃gu nanaxüéga: Ínguxü̃xü̃, ñaxü̃gu nanaxüéga. Rü ñanagürü: —Ñu̱xma ya Cori ya Tupana rü marü tüxü̃́ nanatauxchaxẽxẽ nax ngẽmaãcü mea tüxü̃́ iyaxũxü̃ca̱x i ngẽma ixüxü̃ i ñaa naanewa —ñanagürü.

Rü yéma ga Tupana rü Ichaáca̱x nango̱x rü ñanagürü nüxü̃: —¡Taxṹ i Equítuanewa cuxũxü̃! ¡Rü ngẽma choma cumaxã nüxü̃ ichixuxü̃gutama rüxã̱ũ̱x, rü ñaa nachixü̃anewatama nangẽxma! Choma rü tá cumaxã changexma, rü tá cuxü̃ charüngü̃xẽxẽ, erü cuxna rü cutaagüna tá chanaxã i guxü̃ma i ñaa naane. Rü ngẽmaãcü tá chayanguxẽxẽ ga yema uneta ga cunatü ga Abraáü̃maxã chaxueguxü̃.

Rü yexguma ga Ichaá rü wüxi ga ãmarearü guruxü̃ yexma naxü, rü yéma Cori ya Tupanaxü̃ nicua̱xüxü̃. Rü yema naanegu nayaxüpata. Rü norü puracütanüxü̃ rü wüxi ga puchu yéma nicaxmaxü̃gü.