Populiarios Biblijos eilutės iš Ínachoxü̃xü̃chiga 2

Dalintis

Rü yexgumayane ga Equítuanecüã̱xarü ãẽ̱xgacü rü yoxni nayu. Natürü ga yema Iraétanüxü̃ rü guxchaxü̃wa nayexmagüecha, rü Tupanape̱xewa naxauxe naxca̱x ga yema ngúxü̃ nax yangegüxü̃. Rü yemaca̱x ga Tupana rü nüxü̃́ nüxü̃ naxĩnü ga norü axu, yerü nüxna nacua̱xãchi ga norü uneta ga Abraáü̃maxã rü Ichaámaxã rü Acóbumaxã naxueguxü̃. Rü Tupana nüxü̃ nadau ga ñuxãcü ngúxü̃ nax yangegüxü̃ ga yema Iraétanüxü̃, rü yemaca̱x nüxü̃́ nangechaxü̃tüxmüxü̃.

Rü yexgumayane ga Equítuanecüã̱xarü ãẽ̱xgacü rü yoxni nayu. Natürü ga yema Iraétanüxü̃ rü guxchaxü̃wa nayexmagüecha, rü Tupanape̱xewa naxauxe naxca̱x ga yema ngúxü̃ nax yangegüxü̃. Rü yemaca̱x ga Tupana rü nüxü̃́ nüxü̃ naxĩnü ga norü axu, yerü nüxna nacua̱xãchi ga norü uneta ga Abraáü̃maxã rü Ichaámaxã rü Acóbumaxã naxueguxü̃.

Rü yexguma marü tayaxüragu, rü Faraóü̃acüna tüxü̃ imu. Rü ngĩma rü ngĩnexü̃ tüxü̃ iyaxĩxẽxẽ. Rü Moichégu tüxü̃ ixüéga rü ngẽma naéga rü “dexáwa chayaxuxü̃”, ñaxü̃chiga nixĩ.

Rü ngĩma ga Faraóü̃acü rü ngĩgürügü ngĩxü̃: —¡Ẽcü cugüxü̃tawa naga i ñaa õxchana rü choxü̃́ nayaxẽxẽ! Rü choma rü tá cuxü̃́ chanaxütanü naxca̱x i ngẽma curü puracü —ngĩgürügü. Rü ngĩma ga tümaé rü tüxü̃ iyaga rü tüxü̃ iyaxẽxẽ.

Rü yixcüamaxü̃ra Faraóü̃acü rü iyarüxüe ga taxtüpechinüwa nax yaxaiyaxü̃ca̱x. Rü ngĩxü̃taxü̃gümaxã yexma taxtüpechinügu iyarüxũ, rü yéma dexnenecüwa nüxü̃ idau ga gumá pexchi ga yexma ngücü. Rü ngĩma ga Faraóü̃acü rü wüxi ga ngĩxü̃taxü̃xü̃ imu ga nax yayauxãxü̃ca̱x ga gumá pexchi rü ngĩxü̃tawa nax nangeaxü̃ca̱x.

Rü yexguma marü naya̱xgu ga Moiché, rü wüxi ga ngunexü̃ rü natanüxü̃wa ínayadau. Rü yéma nüxü̃ nadau ga ñuxãcü poraãcü chixri natanüxü̃xü̃ namuxü̃ ga Equítuanecüã̱xgü. Rü yexgumatama nüxü̃ nadau ga wüxi ga Equítuanecüã̱x nax wüxi ga Iraétanüxü̃na nax nacua̱i̱xcaãxü̃. Rü nüma ga Moiché rü nanadauáane. Rü yexguma marü taxuxü̃ma ga duü̃xü̃xü̃ nada̱u̱xgu, rü yema Equítuanecüã̱xü̃ nima̱x, rü naxnecüte̱xegu inanata̱x ga naxü̃ne.