Sug Pesdus enara baugtarera dougwo len merir dag ginohob, kaba, en eigtou se Yerusalem se lona senggemoi, era sisa deit. Hanoba en ecicugb dig Kaisarea. Dangga se loneinda deit, kaba, en eigtou se men maija moc gowunaresa naugb en ogod aremer se Paulus dara leng Yahudi merufu toua. Sug en eigtou se men maija mocohob, kaba, en arougb men sadodor naugb len ledahwan Paulus aud en. Sug Paulus edeseino men maija mocohob, kaba, leng Yahudi gedig len louwaden dau Yerusalem len les acec en sungga. Hanoba len lahacugb gogom einyana debin en toua namcir. Doba len lemens men aremer se geica hom touwero.