Populiarios Biblijos eilutės iš KISAH 14

Dalintis

Doba sug Barnabas dara Paulus lan lauman dag len leic sapi naugb lauwaharo dou lanohob, kaba, lan lagasa maran sansun dau lan namcir. Dauntoba lusud lecinaga dag lan mardoc emeigouhw an meren geicara dou lan gin touwero. Hanoba lan laobga dagasa len naugb lan dougwo len dara marir medam namcir, landagai: Insirija, aman amemedag meijen seiseijero. Doba aman amedag lusud misen, aninim dag yen dous. Dangga dagiro, naugwe hang, yen yeicara dag gin dou amana? Anai aman amedebeij yen sugini naugb aman amesai Mer Geigouhw dau Allah misen dou yen, dauntoba yen yemesijaresa meijen seiseij gin deitlo. Doba yen yeineg dau gin naugb yen yesijaresa Allah Gedig En Eis Huhugb Sugragohob, enin dous. Anai meijen seiseij gini, kaba, len merireseb emebero. Hang len lemera mera hom dou yen touwero. Doba Allah Gedig En Eis Huhugb Sugragohob gini, kaba, en eng ahasesei cinogo, dara bogo, dara dum mohu an areg geb se gin augwan toua.

Dangga sug Paulus esai Mer Geigouhw gini dou leng se cinogo ingga, kaba, en toua moongga desij len naugb en ouman areg Paulus ebedbed dou len toua. Doba sug Paulus auweila en toutou, kaba, en ecinaga dag sud hom gini medoc ebdebin an areg Paulus esai dou enohob. Hang emedeinyum naugb sug Allah eic geigouhw dou en toua namcir. Dangga, kaba, Paulus enara se mer gouji dou en, endagai: Ban beisa besa namcir. Sug Paulus enara dou en dag gin inegohob, kaba, en eisa besa. Hanoba en ec mohora ucucugb se len merufu toua.

Dauwohob, kaba, lan laigdoumesa mougtir naugb len lesedougwo goucimdeb graga augwan ucan gin toua. Dangga sug len lehig dau ared dara locuncum dou maman Adehsud Yesus, kaba, lan lagugwo mougtir gin se en mesira naugb en eseyeiyo len, anai len merdoc ebdebin an enohob.