Populiarios Biblijos eilutės iš MARKUSI 6

Dalintis

Dadaata daa̒ tahi ponao̒wa mai wau tahipo hualinga, tilinggula didu otembo penu bo ngoi̒di mao̒ ti Isa wau tahidudua̒ o-Lio molamelo. Sababu uito ti Isa lotahuda ode tahidudua̒ o-Lio, “Duloolo ito monao̒ ode tambati udiila otau, tou̒toonu bo ito-itoolo wambai̒o wau timongoli mowali mohuheli ngopee̒ mola.”

Tulusi ti Isa lotahuda mao̒ ode limongolio, “Nabi ngota hulumatiolo boli tou̒toonu, ngopohia to kambungu pilohuluta loduhulio, wau towolota lomongo ilaatolio wau ngaalaa̒lio.”

Tou̒ ti Isa lolaaheo̒ lonto bulotu, Tio loo̒onto taa dadaata. Lodehu hilaa-Lio olimongolio, sababu timongolio debo odelo himba u diilalo oditilio. Yi Tio malo lumulo helo ngaajali dadaata sua̒li olimongolio.

To tambati boito ti Isa diila loo̒hutu penu boli tuwau mao̒ u moo̒linggolabe, ngopohia lopoo̒luli dengolo lota tahi ngongota wolo lopodutu uluu̒-Lio toimbupulu limongolio. Tio lolinggolabe deu̒ timongolio diila palacaya. Lapatao̒ ti Isa lonao̒ mola ode kakaa-mbunguwalo topalitio boito wau helo ngaajali.

Lapatao̒ ti Isa lohama mao̒ limo lobotu roti wau dulo botu uponula boito, tulusi yilumanggela mola ode hulungo wau lolapali sukuru ode Allahu Taa̒ala. Lapatao̒ uito, Tio malo mita-mitangao̒ roti boito wolo uluu̒-Lio wau longohi mao̒ ode tahidudua̒ o-Lio u taya-tayadulo ode taa dadaata boito. Wau uponula dulo botu tila-tilayadio olo ode limongolio ngoa̒amila. Timongolio malo lamela tunggula lobutuhu. Lapatao̒ lebelio lou̒ aalo boito yilimoo̒ lo tahidudua̒ li Isa, ngoa̒amilalo woluo mopulaa dulo kalanji hipolua.