Populiarios Biblijos eilutės iš Marku 15

Dalintis

Sekoko ngu txikhati txa wutxhanu ni mune, Jesu a to huwelela ngu dipswi da hombe, a txi khene: “Eloyi, Eloyi, lama sabaktani,” ati ti wombako ku: “Txizimu txangu, Txizimu txangu, u ni lekete txani?”

Se nduna ya dizana, yile yi nga ti emile masoni kwakwe, ngako yi di woni ti a nga fisa tona, yi to diwuka yi txi kha yona: “Ngu ditshuri awuwa m'thu i ti Mwanana wa Txizimu!”

Se nguwo ya Dithepele yi to vharuka ngu hagari, kukhukhela txitimwi kala hahatshi.

Aniko Jesu a to peka huwa ngu dipswi da hombe, a txi ningela muhefemulo wakwe.

Se ku di hokile txikhati txa wutxhanu ni tximwetxo, ku to phuma txidema ka dotshe ditiko kala ka txikhati txa wutxhanu ni mune.

Sekoko Pilato, ngu kulava kutsakisa dibutho, a to thukunyula Bharabhasi se, msana ka kuva a di rumete kukwapela Jesu, a to mningela kasiku eya bethelwa ha txihambanoni.