Populiarios Biblijos eilutės iš Matewu 5

Dalintis

Hambi dilambu kha va di lumekeli ku di khubhunyewa ngu txirundu, aniko va di hayeka txitimwi ka phande, ti to di woninga votshe va va ku nyumbani. Ngu toneto, kwanu ku na woninge masoni ka vathu, kasiku, ngako va txi wona mithumo yanu ya yinene, va na dhumisa Tate wanu a ku nzumani.”

“Anu mi liwoningo ka ditiko. Kha di sikoti kusisala didhoropa di di ku txitimwi ka mmango.

Va katekile ava va nga basa timbilu; nguko va na wona Txizimu!

Va katekile ava va ku ni nzala ni ditora da wululami, nguko va na khuriswa!

Aniko ani ni khani: Randani valala vanu, mi txi khongelela avale va mi xanisako.

“Va katekile ava i ku sisiwana moyani, nguko Mfumo wa nzumani mbwawe!

Va katekile ava va thumelako kudikha, nguko va na dhanwa ku mbanana va Txizimu!

Va katekile ava va dilako, nguko va na thavelelwa!

Va katekile ava va xaniswako, ngu kumaha kuranda ka Txizimu, nguko Mfumo wa nzumani mbwawe!

Va katekile ava va ku ni wumbilu, nguko va na mahelwa wumbilu ni vona!

Mi katekile, ngako va txi mi ruketela ni ku mi xanisa, ni ku mi hembela, ve mi lumbeta makuhu ngu mhaka yangu. Tsakani ta tinene mi txi nengela, nguko nja hombe hakhelo yanu nzumani. Nguko va va xanisisile toneto vaprofeti va va nga mi thangela.”

Va katekile ava vo thutha, nguko va na mana thomba ya mafu!

“Anu mi m'nyu ka vathu. Ngako m'nyu wu txi guma mtamo, wu na lungwa wona ngu txani kani? Kha wu vhuni txilo kambe, hahanze ka kutheketwa kule, kasi wu na kandetelwa ngu vathu.”

Ngu kota yeto, mahani vo hetiseka nga ti nene Tate wanu wa nzumani i ku wo hetiseka.”

Kambe kuwomba-wombani kwanu, ‘Ina’, a nave i di ‘Ina’, ‘Ahim-him’ a nave i di ‘Ahim-him’; totshe ti ti engetelwako ka tiya, ti huma ngu ka m'bihi.”

“Mi ti engisile atiya ti nga wombwa va txi kha vona: ‘Diso di na dihwa ngu diso, dikwasa, ngu dikwasa.’ Aniko ani ni khani kwanu: Mi nga lambeleni m'thu wo biha, ngako m'thu a txi ku haphata mpama ka dithama da txinene, tshembereka u txi ningetela dimwani.

Ngako diso dako da txinene di txi kukhuvekisa, di phokonyole, u txi di tshotsha kule ni nawe nguko i txhuko kuluzekelwa ngu txihango txako txa tximwetxo, kupinda kutshotshwa mndiloni ka Gehena wotshe mmidi wako. Ngako diwoko dako da txinene di txi kukhuvekisa, di wile u txi di tshotsha kule ni nawe, nguko i txhuko kuluzekelwa ngu txihango txako txa tximwetxo, kupinda kutshotshwa mndiloni ka Gehena wotshe mmidi wako.”