Populiarios Biblijos eilutės iš Matewu 27

Dalintis

Kambe ngu txikhati txa wutxhanu ni mune, Jesu a to kwangula ngu dipswi da hombe, a txi khene: “Eli, Eli, lama sabaktani, kani?” Ati ti wombako ku: “Txizimu txangu, Txizimu txangu, u ni lekete txani kani?”

Se ti di mahile eto, nguwo ya Dithepele yi to vharuka ngu hagari, kukhukhela txitimwi kala hahatshi; mafu ma txi zinginikela, marigwi ma txi fayekela. Mathuna me tulekela, se mimidi ya vafi votala va kusawuleka, yi to wuka.

Kambe Jesu a to engeta e kwangula ngu dipswi da hombe, se e ningela moya.

Sekoko, mthangeli wa dizana, ni vale yi nga ti navo ve woneleta Jesu, ngako va di woni kuzinginikela ka mafu ni timwani ti nga humelela, va to dhuka, va txi kha vona: “Kha ditshuri awu i ti Mwanana wa Txizimu!”

Se kukhukhela ka txikhati txa wutxhanu ni tximwetxo kala ka txa wutxhanu ni mune, txidema txi to fenengeta dotshe ditiko.

Pilato a txi khene kwawe: “Sekoko ni na maha txani ngu Jesu, awu a dhanwako ku i Mesiya, kani?” Va to xamula votshe va txi kha vona: “A na bethelwe ha txihambanoni!” Ene a tshumete kambe a txi khene: “Njionho muni a nga txi maha kani?” Aniko vona va to phikiza. Va txi kwangula ngu mtamo va txi kha vona: “A na bethelwe ha txihambanoni!”