Populiarios Biblijos eilutės iš Matewu 24

Dalintis

Se ngu mhaka ya kutala ka wubihi, lirando la wungi wa vathu li na hola. Aniko awule a no zumba a di tsani kala magwito, a na hanyiswa.

Evhangeli yiya ya Mfumo yi na huwelelwa ka dotshe ditiko, kasi kumahwa wufakazi ka yotshe mifumo. Se msana keto, ngu kona ku no va i di magwito.”

Mi na pfa va txi womba ngu tiyimbi ni maguwa a kulwa, aniko mi nga thaveni txilo. Atiya ti fanela kumaheka, aniko hi nga magwito.

Ditiko di na wukela dimwani ditiko, mfumo wu na wukela wumwani mfumo, ku nava ni tipaya ni mitungu ni kuzinginikela ka mafu, ka makhalo amangi. Totshelele tiya ti nava i di kukhata ka sixaniso.”

Nzuma ni mafu si na pinda, kambe mapswi angu kha ma na mbi pinda.”

Nguko va nata vavangi ngu ditina dangu, va txi kha vona: ‘Ngani Kristu’, va txi xenga vathu votala.

“Sekoko va na mi ningela kuxaniswani ni kudawani, mi na vengelwa ngu votshe vathu, ngu mhaka ya ditina dangu. Ka yoneyo mbimo, vavangi va na thindeka, va txi ningelana ni kuvengelana. Va na humelela vaprofeti vavangi va makuhu, ava va no timeta vathu votala.

Jesu a to va xamula a txi khene: “Ti woneleni kasiku mi si timetwi ngu m'thu.

Ngu toneto, zumbani nanu mi di rinzete; ka txikhati txi mi si pimisiko txilo, ngu yoneyo mbimo a nota ngu yona Mwanana wa M'thu.”

Wonelelani, nguko kha mi di zivi ditshiku di a nota ngu dona Mkoma wanu.

“Ngu mhaka ya ditshiku da kona ni txikhati txa kona, awalo ni mmweyo a ti zivako, hambi tingelozi, hambi Mwanana wa M'thu, ti ziwa ngu Tate ekha.

Nguko va na humelela vamesiya va makuhu ni vaprofeti va makuhu, ava va no maha sixamaliso ni sidiwukiso sa hombe, ahawa koza, idiku to koteka, hambi vasawuleki va ndi na timetwa.

Nga ti ti nga maheka ka masiku a Nowa, ku na vanga toneto kuwuyani ka Mwanana wa M'thu. Ka masiku ale, ku sinzi kumaheka ndambi, va ti ti dya ve sela, va txi teka ni kutekwa, kala ka ditshiku di Nowa a nga wulela mu ka ngalava; kha va pimisa txilo, kala ku txi hoka ndambi, yi nga khukhula votshe. Ina, ti na mahisa toneto ngu kuwuya ka Mwanana wa M'thu.”