Populiarios Biblijos eilutės iš Titus 1

Dalintis

Si ungngangka' kalaena ungnginsang Puang Alataala, ampo' dasiang nainsang napembabeing yaling di katuhoanna. Sika mehiri'-hiri' liu, dai tuhu'-tuhu'ang anna dai aha pembabena ang mahasa, moi poro la mesa.

Ingkänna tau ang masero, masero asang ingkänna aka-aka ang naoloi; ampo' ingkännane' tau ang ma'pihki' karake anna dai ma'petahpa', la tahuhu asang ingkänna aka-aka ang naoloi, aka' pihki'na sibaha inahanna tahuhu moinnakato anna nasanga mapiai.

Tontong la umpentokei Bahtakara Dehata ang puha natahimbo. Aka' monna noang yatoo, ya' malantoo umpakuhu tau situhu' inde pepakuhu ang mala dipetahpa' anna mala umpalanda' kasalaanna tau ang mampa'bali.

Aka' to pangngäto' pengkähänganna Dehata, dahi supung ang mala mendahi pebulle ada' yaling di jumaa' dianto ang dai kekasalaang, dai ungngangka'-angka' kalaena, bahtu' pa'keaha'ang, dai ma'malango-lango, dai maromi' ma'siba'di anna tadia to ungkailui maho doi'. Ampo' pahallu si untahimbo mapia to sulena, si ungkärä'i kamapiaang, matahhing inaha, maroho inaha yaling di pembabena, masero anna si undakai kalaena.

Pahallu dai kekasalaang, mesa supu bahinena, änä'na dai mala la membabe karake, ampo' mala dipetahpa' anna tuhu'-tuhu'ang pano di to baha'na.