Populiarios Biblijos eilutės iš Roma 8

Dalintis

Tainsangnga' taoatee yaling di ingkänna kaha-kaha naäto' asang Puang Alataala, lambi' la ungkeboaing kamapiaang pano di tau ang mangkalemui, ang natambai mendahi änä'na, situhu' pahtuyunna pano di kita' mengkalao dolu.

Kupetahpa' kuoatee dai aha ang la mala mampasisähä'ingkea' pa'kalemunna Puang Alataala. Mala dioate: moi mateingkea' bahtu' tuho, tontongkingkea' nakalemui. Moi malaeka' bahtu' kakuasaanna setang, moi aka ang aha di tempo dinoa bahtu' di allo ang la sule, moi kakuasaang yaho di langi' bahtu' yaling di lino, dai aha ang la mala mampasisähä'ingkea' pa'kalemunna Puang Alataala ang talambi' aka' Kristus Yesus, Dehatanta.

Noa toi Inaha Masero unduluiingkea' yaling di kamalammaanta. Aka' daia' tainsang aka ang pahallu tatula' yaling di sambayanta. Ampo' naposolaingkea' Inaha Masero untula' palaunta dai' di Puang Alataala ang daine' mala natula' hupatau.

Ponna ke tapihki'i ingkänna indee ang puha nababe Puang Alataala, mala taoatee, ”Aka' naduluiingkea' Puang Alataala, lambi' dai aha ang nabela mambaliingkea'.”

Dahi dinoa, pano di kita' ang tuho yaling di Kristus Yesus, damingkea' la ungngolai pantahungkungang.

Ingkänna tau ang untuhu'i pihki' mentolino, nakuasai yato pihki'na lambi' dia supu napihki'. Tau ang noa yatoo la untahimbo kamateang ang la mampakahao di hao mai di Puang Alataala. Ampo' menna-menna ang untuhu'i pa'elo'na Inaha Masero, ya' nakuasai pa'elo'na Inaha Masero lambi' dia supu napihki', anna la untahimbo katuhoang anna kamasahkeang.

Ampo' moi aka ang manghoaingkea', tontongngingkea' patalo, anna yato kapataloanta sundung si'da-si'da aka' kakuasaanna Puang Yesus ang ungkalemuiingkea'!

Di kodi'na koo, ingkänna kamasuhsaang ang manghoaingkea' dinoa kuangka' santäi kanuku supu, ke dipasiitai kamatandeang ang la nabeaingke di allo ang la sule.

Dai aha ang la mala mampasisähä'ingke pa'kalemunna Kristus. Moinnakato ke ahai kamasuhsaang bahtu' kamadahhaang, kabuhohangang bahtu' kapemase-maseang, bahtu' kaha-kaha ang la mala metilakai bahtu' kamateang, ingkänna indee daingkea' mala nalahpa' di hao mai di pa'kalemunna Kristus.

Anna yato pihki'na Inaha Masero napähäng Puang Alataala ang ullosa inahanna hupatau. Aka' Inaha Masero ma'sambayang situhu' pa'elo'na Puang Alataala, nasambayangngi asangngingkea' ang mampetahpa' dai' di Puang Alataala.

Ingkänna tau ang natehte Inaha Masero, dianto änä'na Puang Alataala.

Ingkänna tau ang untuhu'i pihki' mentolino, nakuasai yato pihki'na lambi' dia supu napihki'. Tau ang noa yatoo la untahimbo kamateang ang la mampakahao di hao mai di Puang Alataala. Ampo' menna-menna ang untuhu'i pa'elo'na Inaha Masero, ya' nakuasai pa'elo'na Inaha Masero lambi' dia supu napihki', anna la untahimbo katuhoang anna kamasahkeang.

Änä' Kalaena anna dai nakahimanangngi, ampo' nasuo tama di lino unsulängngiingkea'. Dahi, ponna ke moi Änä' Kalaena dang nakahimanangngi, ya' tantu anna la nabea toingkea' nei' ingkänna aka-aka ang senga'.

Aka' yato pengkähänna Inaha Masero yaling di inahantaa', lambi' tainsang taoate kita' indee änä'naa' Puang Alataala. Dia tuke', ponna ke inang änä'namingkea' Puang Alataala, ya' maleso dioate la untahimboingkea' mana' yaho mai di Puang Alataala. Yato mana' la tatahimbo sinnoa ang puha natahimbo Kristus, aka' madahhaingke yaling inde di lino sinnoa Kristus anna la untahimbo toingke kita' kamatandeang sinnoa kamatandeanna di allo ang la sule.

Tau ang untuhu'i pihki' mentolino sipa'bali Puang Alataala. Aka' yato tau dai untuhu'i pahentana Puang Alataala aka' dai nabela.

Dinoa ingkänna ang napapia Puang Alataala lella' ungngempei anna ungkarohhengngi si'da-si'da tempo ang la naonge Puang Alataala umpalanda' kamatandeanna ingkänna änä'na.

Aka' tainsangnga', solasohong, taoate inang mai'dinna kamasuhsaang yaling inde di lino. Mala dioate lino indee mohahaeng lolo sinnoa pohahaenna mesa bahine ang la keänä', lella' ungngempei tempo ang la naonge Puang Alataala umpabakahu ingkänna aka-aka.