Populiarios Biblijos eilutės iš Roma 2

Dalintis

Ponna ke membabe toingkea' kita' sinnoa yato pembabena solata ang tasalla, ya' dai mala tapihki'a' taoate daingkea' la natahungkung Puang Alataala. Daa tapihki'i taoatee daingkea' pahallu kamarota'anna Puang Alataala pano di kita' anna kamapiaanna sibaha kasa'bara'anna ang dai aha mantondong. Darakaa' dio ungnginsang ungngoatee nasuhung marota' anna sa'bara' Puang Alataala pano di kita' aka' anna malai tau mengkatoba' di hao mai di dosa?

Oa' solasohongku, tainsammi taoate tahpa' liu yato kabohtuanna Puang Alataala ponna ke untahungkungngi tau ang membabe karake. Ampo' dai kita' sihatang ke unsallaingke solata, aka' ponna unsallaingke tau senga', sinnoa siante' unsallaingke kalaeta, aka' yato pembabeta sinnoa siante' pembabena tau senga'. Dahi dai aha lalang ang la taola umbahoi kasalaanta.

Aka' Puang Alataala dai unse'la-se'laangngi hupatau.

Aka' tadiaete' tau ang ungnginsang kale Atohang ang naangka' maroho Puang Alataala. Ampo' ang untuhu'iete' Atohang, dianto ang naangka' maroho.

Ingkänna tau la nabala' Puang Alataala situhu' pembabena.

Ampo' aha toe' tau ang umpihki' supu kalaena. Dai naaku untuhu'i pa'elo'na Puang Alataala, supung untuhu'i pampemala karakena. Dianto yato tau ang la handang dolu nahoa kakeaha'anna Puang Alataala sibaha tahungkunna.

Dahi, daummakahha' bää'a', solasohong. Daumpatontong loloia' pembabemu ang dolu. Aka' ponna ke umpatontong loloi yato pembabemu, la matingngi liu tahungkummu di allo kakeaha'anna Puang Alataala. Aka' di allo yatoo, la mepahehsa Puang Alataala sitonda kamarohoanna anna la untahungkung ingkänna tau ang membabe karake.